سوال

 جانوروں کی طرف سے گھومنے پھرنے اور پیشاب کرکے قبروں کی ممکنہ بے حرمتی سے حفاظت کےلے ہر قبر پرالگ سے لوہے یا لکڑی کا جنگلہ لگانے کا کیا حکم ہے؟

اَلجَوَابْ بِاسْمِ مُلْہِمِ الصَّوَابْ

اگر یہ ضرورت حقیقی ہوتو اس کی گنجائش ہے۔محض وہم کی وجہ سے ایسا نہ کیاجائے۔البتہ زیادہ بہتر صورت یہ ہے

کہ اہل علاقہ کے اتفاق سے قبرستان کی چاردیواری اور اس میں مستقل دروازے کی تنصیب ہوتاکہ ہر قبر کے

بجائے مجموعی طور پر سب کی حفاظت ہوجائے۔

حوالہ جات

وفی حاشیۃ الطحطاوی(1/405):

" (ويكره البناء عليه) ظاهر إطلاقه الكراهة أنها تحريمية، قال في غريب الخطابي: نهى عن

تقصيص القبور وتكليلها. انتهى. التقصيص التجصيص والتكليل: بناء الكاسل، وهي القباب والصوامع التي تبنى على القبر ... وقد اعتاد أهل مصر وضع الأحجار حفظًا للقبور عن الإندارس والنبش ولا بأس به".

سید نوید اللہ

دارالافتاء،جامعۃ الرشید

25/محرم1443ھ

واللہ سبحانہ وتعالی اعلم