سوال

بندہ نے دوسو چالیس گز کا ایک پلاٹ خریدا ہے جس پر بندہ کا رہائش کے لئے گھر بنانے کا ارادہ ہے،لیکن فی الحال رقم کا انتظام نہ ہونے کی وجہ سے گھر کی تعمیر ممکن نہیں،بندہ کرایہ کے گھر میں مقیم ہے،کیا اس پلاٹ کی وجہ سے بندہ پر قربانی لازم ہوگی،کیونکہ فی الحال وہ پلاٹ میرے استعمال میں نہیں ہے؟

نیز یہ پلاٹ خریدتے وقت اس کی قیمت کی ادئیگی کے لئے بندہ نے اہلیہ سے ایک تولہ سونا بطور قرض لے کر بیچا تھا جو ابھی تک بندہ کے ذمے واجب الاداء ہے۔

اَلجَوَابْ بِاسْمِ مُلْہِمِ الصَّوَابْ

رہائش کے لئے ذاتی گھر انسان کی اہم ضرورت ہے،اس لئے رہائش کی غرض سے مکان کی تعمیر کے لئے خریدا گیا پلاٹ ضرورت سے زائد شمار نہیں ہوگا،لہذامحض اس کی وجہ سے آپ کے ذمے قربانی واجب نہیں ہوگی۔

حوالہ جات

"رد المحتار" (2/ 262):

"(قوله: وفارغ عن حاجته الأصلية) أشار إلى أنه معطوف على قوله عن دين (قوله وفسره ابن ملك) أي فسر المشغول بالحاجة الأصلية والأولى فسرها، وذلك حيث قال: وهي ما يدفع الهلاك عن الإنسان تحقيقا كالنفقة ودور السكنى وآلات الحرب والثياب المحتاج إليها لدفع الحر أو البرد أو تقديرا كالدين، فإن المديون محتاج إلى قضائه بما في يده من النصاب دفعا عن نفسه الحبس الذي هو كالهلاك وكآلات الحرفة وأثاث المنزل ودواب الركوب وكتب العلم لأهلها فإن الجهل عندهم كالهلاك، فإذا كان له دراهم مستحقة بصرفها إلى تلك الحوائج صارت كالمعدومة ".

محمد طارق

دارالافتاءجامعۃالرشید

22/صفر1444ھ

واللہ سبحانہ وتعالی اعلم