سوال

بچے باتھ روم جاتےہیں4-5،قدم ننگے پاؤں جاتےہیں،پھر جوتا پہنتےہیں،واپسی بھی ایسے ہی آتے ہیں،واشروم سےننگے پاؤں باہر آتےہیں،ہم نے زمین پہ گدا بچھایا ہواہےتو بچے ایسے ہی انہی پیروں کےساتھ آ کر ہمارے کمرے میں بستروں،گدے پر چڑھتے،کھیلتے،ریموٹ ،موبائل ،سؤئچ بورڈ ،دروازوں کو ہاتھ لگاتےہیں تو کیا ہمارے بسترے اور یہ سب چیزیں ناپاک ہو نگی؟ہم نے ادھر ہی نماز پڑھنی ہوتی ہے؟

اَلجَوَابْ بِاسْمِ مُلْہِمِ الصَّوَابْ

جب تک واشروم وغیرہ کے ناپاک فرش پرگیلے ہاتھ لگنا،پاؤں سے چلنا یقینی نہ ہو تو ایسی صورت میں ایسےبچوں کےگیلے ہاتھ پاؤں کے لگنے سے کسی چیز کو یقینی طور ناپاک نہیں کہا جاسکتا، البتہ  ایسی صورت میں بچوں کے پاؤں وغیرہ مشکوک ضرور ہیں ،لہذا احتراز کرنا چاہئے ،نماز پڑھنے کےلیےجائےنمازکااہتمام کرناچاہئے۔

حوالہ جات

۔۔۔۔۔۔

نواب الدین

دار الافتاء جامعۃ الرشید کراچی

یکم صفر۱۴۴۴ھ

واللہ سبحانہ وتعالی اعلم