سوال

کیا طلاق کے بعدمیاں بیوی ایک دوسرے کے لیے نامحرم ہیں؟ کیا دونوں ایک گھر میں رہ سکتے ہیں؟ گھر کافی بڑا ہے، بیٹا بھی موجود ہے؟  کیا بیوی پر شوہر کی خدمت و کفالت باقی رہتی ہے؟ نیز کیا شوہر پر بیوی کا نفقہ واجب ہے؟

اَلجَوَابْ بِاسْمِ مُلْہِمِ الصَّوَابْ

اگر صریح الفاظ سے طلاق دی گئی ہو تو میاں بیوی ایک دوسرے کے لیے نامحرم نہیں ہوتے اور ان کا ایک گھر میں رہنا بھی درست ہے، البتہ فقہائے کرام رحمہم اللہ نے لکھا ہے کہ اگر شوہر کا رجوع کرنے کا ارادہ نہ ہو تو مستحب یہ ہےکہ وہ دروازہ کھٹکھٹانا کر گھر میں داخل ہو۔

جہاں تک خدمت کا تعلق ہے تو شوہر کے رجوع کرنے سے پہلے بیوی پر شوہر کی خدمت واجب نہیں رہتی، لہذا اگر شوہر خدمت کا محتاج ہے تو اس کو چاہیے کہ بیوی سے رجوع کر لے، اس کے علاوہ شوہر کے ذمہ عدت کے دوران بیوی کا نان ونفقہ بدستور واجب رہتا ہے، جس کی ادائیگی اس کے ذمہ لازم ہے۔

حوالہ جات

 الهداية في شرح بداية المبتدي (2/ 257) دار احياء التراث العربي – بيروت:

" والمطلقة الرجعية تتشوف وتتزين " لأنها حلال للزوج إذ النكاح قائم بينهما ثم الرجعة مستحبة والتزين حامل له عليها فيكون مشروعا.

" ويستحب لزوجها أن لا يدخل عليها حتى يؤذنها أو يسمعها خفق نعليه " معناه إذا لم يكن من قصده المراجعة لأنها ربما تكون متجردة فيقع بصره على موضع يصير به مراجعا ثم يطلقها فتطول عليها العدة.

محمد نعمان خالد

دارالافتاء جامعة الرشیدکراچی

10/جمادى الاخرى 1444ھ

واللہ سبحانہ وتعالی اعلم