78855 | نماز کا بیان | نماز کےمتفرق مسائل |
سوال
بچہ پر کس عمر سے نماز فرض ہوجاتی ہے ؟
اَلجَوَابْ بِاسْمِ مُلْہِمِ الصَّوَابْ
لڑکے پر بالغ ہونے کے بعد نماز فرض ہوجاتی ہے ، اورلڑکے کے بالغ ہونے کی عمر قمری حساب سے پندرہ برس ہے ، اور اگر اس سے پہلے کوئی علامت بلوغ پائی گئی ( مثلا : احتلام ہو جائے )تو اسی وقت سے شرعا نماز کامکلف ہوجائے گا ، البتہ رسول اللہ صلی اللہ علیہ وسلم نے والدین کو اس بات کی تاکید کی ہے کہ جب بچہ سات سال کا ہوجائے تو اسے نماز کا حکم دیاجائے اور دس سال کا ہونے پر نماز نہ پڑھنے پر سرزنش کرنے کاحکم ہے ۔
حوالہ جات
عن عبدالله بن عمرو بن العاص رضي الله عنهما: أن النبي صلى الله عليه وسلم قال:مروا أولادكم بالصلاة وهم أبناء سبع سنين، واضربوهم عليها وهم أبناء عشر، وفرقوا بينهم في المضاجع . رواه أبو داود، وهو الصحيح. (سنن أبي داؤد ، رقم الحديث :495 )
(بلوغ الغلام بالاحتلام والإحبال والإنزال) والأصل هو الإنزال (والجارية بالاحتلام والحيض والحبل) ولم يذكر الإنزال صريحاً؛ لأنه قلما يعلم منها (فإن لم يوجد فيهما) شيء (فحتى يتم لكل منهما خمس عشرة سنةً، به يفتى) لقصر أعمار أهل زماننا. (الدر المختار وحاشية ابن عابدين: 6/ 153)
محمدادریس
دارالافتاء،جامعۃ الرشید، کرچی
4/جماد ی الثانی /1444ھ
واللہ سبحانہ وتعالی اعلم
مجیب | محمد ادریس بن محمدغیاث | مفتیان | فیصل احمد صاحب / شہبازعلی صاحب |