سوال

ٹیوشن  پڑھانا ،آن لائن  قرآن کریم  کی تعلیم دینا   اور  اس تعلیم کی فیس وصول کرنے  کا کیاحکم  ہے ؟ بعض     لوگ فیس لینے  پر یہ اعتراض  کرتے ہیں  کہ  انبیا  ء  علیہم  السلام    دین کی  تعلیم مفت  دیتے  تھے، ان کو کیاجواب دینا   چاہئے ؟

اَلجَوَابْ بِاسْمِ مُلْہِمِ الصَّوَابْ

قرآن کریم  کی تعلیم دینا بڑی  نیکی اور خیر کا  کام  ہے ، رسول اللہ  صلی اللہ  علیہ وسلم نے  فرمانا  کہ قرآن کریم سیکھنے اور سکھانے  کا  مشغلہ  اختیار  کرنے  والے اس امت کے بہترین  افراد  ہیں ۔مسلمانوں  کی اجتماعی ذمہ داری  ہےکہ اپنی  اولاد  کو  دینی  تعلیم دلائے ،  قرآن کریم پڑھے  اور پڑھائے ،اگر  حافظ قرآن عالم دین   قرآن کی  تعلیم کو  اپنے  لئے  مشغلہ  بنائے  یہ امت کی طرف سے   فرض  کفایہ کی ادائیگی ہے ۔ایسے  افراد  کی دنیوی ضروریات  پوری  کرنا  حکومت اسلامیہ کی  ذمہ داری   ہے، اگر حکومت یہ ذمے داری پو ری نہیں  کررہی  ہے  تو  ان کی ضروریات  پوری  کرنا  بھی  مسلمانوں کے  ذمے لازم   ہے، معلم قرآن کو   جو وظیفے ملتا ہے یہ درحقیقت  قرآن پڑھانے  کا معاوضہ  نہیں ہوتا    بلکہ  حافظ  قاری کا   اپنے کو اس کام میں  مشغول  رکھنے کا معاوضہ  ہے ، حفاظت  دین کی ضرورت سے   یہ معاوضہ  لینا دینا شرعا  جائز ہے ۔

البتہ گھروں میں جاکر  ٹیوشن پڑھانے  میں پردے  کے بارے  میں احتیاط سے  کام لینا چاہئے،کیونکہ  اس  فتنے کے دور میں  نامحرم کو سامنے بٹھاکر  نقاب میں پڑھانا  بھی  باعث فتنہ ہے ،خلوت  اختیار کرنا اور بلاضرورت باتین کرنا جائز نہیں ہے ،دس سال کے بچے سے پردہ کرنا ضروری ہے۔دس سال سے کم عمر بچہ بھی  اگر عورتوں کے مخصوص  حالات وصفات سے باخبر ہو یا ان امور میں دلچسپی لیتا   ہو  تو اس  سے بھی پردہ  کرنا ضروری ہے، اس طرح کسی مرد کا  نامحرم لڑکی کو   سامنے بٹھا کر پڑھانا  درست نہیں ، تا  ہم اس پڑھانے کے پیسے حرام نہیں ہونگے ،اگر تنہائی میں پڑھنا پڑھانا   ہو تو اور بھی  سخت گناہ ہوگا،البتہ دونوں صورتوں  میں دیوار  اور موٹے پردے کے  پیچھے سے پڑھانے کی گنجائش   ہے ،،مگر  اس صورت میں بھی  شرط یہ ہے کہ  فتنہ میں   مبتلا ہونے کا  اندیشہ  نہ ہو۔

آن لائن  قرآن کریم پڑھانے میں بھی    پردے کے  احکام  پر  عمل  کرنا  ضروری  ہے ، کیونکہ  اس دور میں  نیٹ     بھی فتنے کا ایک بڑا ذریعہ  ہے ، قرآن کریم  پڑھانے کے آڑ میں  کسی فتنے  میں  مبتلا ہونے  کا قوی  امکان  رہتا  ہے ،اس لئے قرآن  کریم  کی  تعلیم  دینے کے ساتھ  اپنے دین ایمان  کی حفاظت  کے اسباب  کو  ملحوط خاطر رکھنا  یہ بھی  اہم  ذمے داری  ہے۔

حوالہ جات

صحيح البخاري (4/ 1919)

حدثنا حجاج بن منهال حدثنا شعبة قال أخبرني علقمة ابن مرثد سمعت سعد بن عبيدة عن أبي عبد الرحمن السلمي عن عثمان رضي الله عنه عن النبي صلى الله عليه و سلم قال

 : ( خيركم من تعلم القرآن وعلمه ) . قال وأقرأ أبو عبد الرحمن في إمرة عثمان حتى كان الحجاج قال وذاك الذي أقعدني مقعدي هذا  [ ش ( وذاك ) إشارة إلى الحديث الذي رواه عثمان رضي الله عنه في فضل تعلم القرآن وتعليمه . ( مقعدي هذا ) لأعلم الناس القرآن حتى أحصل على تلك الفضيلة ]

الدر المختار وحاشية ابن عابدين (رد المحتار) (1/ 406)

(قوله وصوتها) معطوف على المستثنى يعني أنه ليس بعورة ح (قوله على الراجح) عبارة البحر عن الحلية أنه الأشبه. وفي النهر وهو الذي ينبغي اعتماده. ومقابله ما في النوازل: نغمة المرأة عورة، وتعلمها القرآن من المرأة أحب. قال - عليه الصلاة والسلام - «التسبيح للرجال، والتصفيق للنساء» فلا يحسن أن يسمعها الرجل. اهـ. وفي الكافي: ولا تلبي جهرا لأن صوتها عورة، ومشى عليه في المحيط في باب الأذان بحر.

بدائع الصنائع في ترتيب الشرائع (5/ 122)

(وأما) المرأة فلا يحل لها النظر من الرجل الأجنبي ما بين السرة إلى الركبة ولا بأس أن تنظر إلى ما سوى ذلك إذا كانت تأمن على نفسها والأفضل للشاب غض البصر عن وجه الأجنبية وكذا الشابة لما فيه من خوف حدوث الشهوة والوقوع في الفتنة يؤيده المروي عن عبد الله بن مسعود - رضي الله عنهما - أنه قال في قوله تبارك وتعالى {إلا ما ظهر منها} [النور: 31] أنه الرداء والثياب فكان غض البصر وترك النظر أزكى وأطهر وذلك قوله عز وجل {قل للمؤمنين يغضوا من أبصارهم ويحفظوا فروجهم ذلك أزكى لهم} [النور: 30] وروي «أن أعميين دخلا على رسول الله - صلى الله عليه وسلم - وعنده بعض أزواجه سيدتنا عائشة - رضي الله تعالى عنها - وأخرى فقال لهما قوما فقالتا إنهما أعميان يا رسول الله فقال لهما أعمياوان أنتما» إلا إذا لم يكونا من أهل الشهوة بأن كانا شيخين كبيرين لعدم احتمال حدوث الشهوة فيهما.

احسان اللہ شائق عفا اللہ عنہ    

دارالافتاء جامعة الرشید     کراچی

١٦ جمادی  الثانیہ  ١۴۴۴ھ

واللہ سبحانہ وتعالی اعلم