سوال

کیا فرماتے ہیں علماء کرام و مفتیان عظام مسئلہ ذیل کے بارے میں ؟

ایک گاؤں میں ایک مسجدقدیم ہے، لوگ اس میں پانچ وقت کی نماز پڑھتے ہیں اور گاؤں کے لوگوں کے قریب بھی ہےاور مسجدوسیع بھی ہے تو اس گاؤں میں دوسری مسجدبناناکیسا ہے؟

اَلجَوَابْ بِاسْمِ مُلْہِمِ الصَّوَابْ

کسی مسجد کے قریب دوسری مسجد بنانا اس صورت میں ممنوع ہے جب دوسری مسجد بنانے والوں کا مقصد پہلی مسجد میں نمازیوں کی تعداد کم کرنا ہویا دوسری مسجد بنانے سے لوگوں میں اختلاف وانتشار اور فتنہ پیدا ہوتا ہو،لہذا اگر ایسی کوئی بات نہ ہوتو ایک مسجد کے قریب دوسری مسجد بنانا جائزہے۔

حوالہ جات

۔ (الکشاف 2/310،التوبة: 107):

 وعن عطاء: لما فتح اللّٰہ تعالیٰ الأمصار علی ید عمر رضي اللّٰہ عنہ أمر المسلمین أن یبنوا المساجد، وأن لا یتخذوا في مدینة مسجدین یضارّ أحدھما صاحبہ۔

سید نوید اللہ

دارالافتاء،جامعۃ الرشید

25/جمادی الثانیہ1444ھ

واللہ سبحانہ وتعالی اعلم