سوال

کیا فرماتے ہیں علماءِ دین مسئلۂ ذیل کے بارے میں کہ ہمارا ایک مدرسہ ہے جس کا نام ادارۂ دینیات ہے جو شہرِ منڈی دیپ ایم پی میں واقع ہے اس مدرسہ میں ہمارے برادر مفتی محمد عرباض قاسمی صاحب تفسیرِ قرآن کا درس دیتے ہیں جس میں مردوں اور خواتین کا با پردہ نظم ہے ،لیکن ہمارے یہاں کے ایک صاحب کا کہنا ہے کہ عورتوں پر تفسیر ہے ہی نہیں ،(مشروع نہیں) نیز جماعت کے کچھ ذمہ داروں کا کہنا ہے کہ تفسیر اسی گھر میں کی جا سکتی ہے جس گھر میں عشرہ اور چلہ لگائی مستورات ہوں اور مردوں کی تفسیر بھی صرف مسجد میں کی جا سکتی ہے، مدرسہ میں تفسیر کرنا جائز نہیں اور یہ بھی کہنا ہے کہ تفسیر سننے کے لئے چلہ اور عشرہ لگانا لازم ہے! کیا مذکورہ تمام باتیں از روئے شرع درست ہیں؟ اگر درست نہیں تو پھر اس طرح کی باتیں کر کے تفسیر سے روکنے والے کا کیا حکم ہے؟ از راہِ کرم وضاحت کے ساتھ تحریر فرمائیں!

اَلجَوَابْ بِاسْمِ مُلْہِمِ الصَّوَابْ

ازخودتفسیر قرآن مجید  بیان کرنےکے لیے تفسیر سے متعلقہ علوم اور فنون میں مہارت شرط ہےاورمحض کسی مستندتفسیر قرآن مجیدسے درس  دینےکے لیے بنیادی علمی قابلیت کافی ہے، باقی سؤال میں ذکر کردہ  باتوں میں سےکوئی بات درس تفسیردینےیاسننےکےلیے شرعا شرط نہیں،اسی طرح قرآن مجیدمردوعورت سب کی ہدایت کےلیے ہے،لہذا عوام اورغیرذمہ دارافراد کااس قسم کی پابندی لگانادرست نہیں،بلکہ یہ اللہ کی کتاب سےروکنے کی وعید کےضمن میں آتی ہے، البتہ اگران پابندیوں سےمقصددرس قرآن سے روکنا نہ ہو،بلکہ محض انتظامی لحاظ سے یہ پابندی لگائی جائےاوریہ پابندی بھی متعلقہ ذمہ دار افراد کی طرف سےہو تو ایسی صورت میں اس میں کوئی حرج نہیں۔

حوالہ جات

۔۔۔۔

نواب الدین

دار الافتاء جامعۃ الرشید کراچی

۱۲رجب۱۴۴۴ھ

واللہ سبحانہ وتعالی اعلم