80787 | علم کا بیان | علم کے متفرق مسائل کابیان |
سوال
ایک شخص دنیا کی محبت میں پڑاتھا۔ پھر اس نے دین کو چنا لیکن اس کے گناہوں کی وجہ سےاس کو علم حاصل نہیں ہورہا اور سیکھنے کے باجود اس کو قرآن پڑھنا نہیں آرہا۔وہ دنیا کی محبت سے نکلنا چاہتاہے اور اسی ڈر سے دین کو بھی نہیں چھوڑ رہا کہ واپس گناہوں میں مبتلا ہوجائے گا۔ ایسے شخص کو کیا کرنا چاہیے؟
اَلجَوَابْ بِاسْمِ مُلْہِمِ الصَّوَابْ
دین کے راستے میں بہت سی تکالیف ، مشکلات اور آزمائشیں آتی ہیں ، اگر انسان ان پر صبر کرے اور ثابت قدم رہے تو یہ تکالیف پچھلے گناہوں کا کفارہ اورآئندہ کے لیے درجات کی بلندی کا ذریعہ بنتی ہیں۔اگر اللہ تعالی نے آپ کو دین کے راستے پر چلنے اور علم حاصل کرنے کی توفیق عطا فرمائی ہے توآپ اس پر ثابت قدم رہیں۔اپنی ہمت اور استطاعت کے مطابق سیکھنے کی کوشش کریں۔ قرآن وحدیث میں مذکور دعاؤں کا اہتمام اور اللہ تعالی سے مانگتے رہیں تو ان شآء اللہ دنیا کی محبت بھی ختم ہوجائے گی اور علم حاصل کرنے میں بھی آسانی ہوگی۔
حوالہ جات
عبدالقیوم
دارالافتاء جامعۃ الرشید
26/رجب/1444
واللہ سبحانہ وتعالی اعلم
مجیب | عبدالقیوم بن عبداللطیف اشرفی | مفتیان | آفتاب احمد صاحب / سیّد عابد شاہ صاحب |