سوال

جب کوئی نوجوان توبہ کرتا ہے تو مشرق سے مغرب تک تمام قبرستان سے چالیس دن تک اللہ عذاب کو دور کر دیتا ہے۔ کیا یہ روایت درست ہے؟

اَلجَوَابْ بِاسْمِ مُلْہِمِ الصَّوَابْ

مذکورہ بالا کلام کو سوشل میڈیا پر "سنن ابن ماجہ" کی طرف منسوب کرکے پیش کیا جاتا ہے، حالانکہ حقیقت میں یہ کلام نہ ہی سنن ابن ماجہ میں ملتا ہےاور نہ ہی احادیث مبارکہ کی دوسری کتب میں ملتا ہے۔ بظاہر یہ روایت ثابت نہیں ہے، لہذا ایسی باتوں کی نسبت نبیﷺ کی طرف کرنا صحیح نہیں ہے۔

حوالہ جات

1.  '' إذا مات شاب تائب يرفع الله العذاب عن مقابر المسلمين أربعين عاما لكرامته عند الله ''

2. إذا تاب شاب فإن الله يرفع العذاب عن أهل قبور ما بين المشرق والمغرب أربعين يوماً.

احمد الرحمٰن

دارالافتاء جامعۃ الرشید، کراچی

24/محرم الحرام/1444ھ

واللہ سبحانہ وتعالی اعلم