80281 | میراث کے مسائل | میراث کے متفرق مسائل |
سوال
سوال:سوتیلی والدہ کےمکان اور رقم میں جوحصہ والدصاحب کاہے،کیااس میں سےیعنی والد صاحب کےحصہ میں میراحصہ بنےگا؟
اَلجَوَابْ بِاسْمِ مُلْہِمِ الصَّوَابْ
چونکہ سوتیلی والدہ کی میراث میں والد صاحب کابھی حصہ تھا،تووالدصاحب کی وفات کےبعد ان کی میراث میں آپ کاحصہ ہوگا۔آپ صرف اپنےوالدکی میراث میں سےاپنےحصےکامطالبہ کرسکتےہیں،سوتیلی والدہ کی میراث میں چونکہ آپ کا کوئی حصہ نہیں ،لہذاان کی میراث کامطالبہ بھی درست نہیں ہوگا۔
والدکی میراث میں سےآپ ورثہ کےحصوں کی ترتیب یہ ہوگی کہ کل میراث کو 8حصوں میں تقسیم کیاجائےگا،ہربیٹے(آپ اورآپ کےدوسوتیلےبھائیوں)کو دو دو حصےملیں گےاور ہربیٹی(آپ کی سوتیلی بہنوں میں سےہرایک بہن)کوایک ایک حصہ ملےگا۔
اگرفیصدی اعتبارسےتقسیم کیاجائےتوہربیٹےکو 25،25فیصدحصہ ملےگااورہربیٹی کو 12.5 فیصد حصہ ملےگا۔
حوالہ جات
۔
محمدبن عبدالرحیم
دارالافتاءجامعۃ الرشیدکراچی
07/ذیقعدہ 1444ھج
واللہ سبحانہ وتعالی اعلم
مجیب | محمّد بن حضرت استاذ صاحب | مفتیان | آفتاب احمد صاحب / سیّد عابد شاہ صاحب |