سوال

جس دکان   میں اصلی ونقلی ،  دونوں  طرح  کا مال  بکتا ہو، نیز اسپئیر شدہ  ﴿تاریخ استعمال سے  گذراہوا ﴾مال بھی  بکتا ہو، اور گاہک ﴿ یعنی  خریدار﴾  کوچیز کے  اصلی نقلی ہونے یا اسپئیر شدہ  ہونے کے بارے   میں نہ بتایا  جاتا ہو ، توایسی  دکان میں    ملازمت  کرنے کا کیا  حکم  ہے؟

اَلجَوَابْ بِاسْمِ مُلْہِمِ الصَّوَابْ

اگر  کسی    چیز  کے استعمال  کی مدت  گذر جائے    تو  وہ چیز عیب دار  ہوگئی   ،گاہک  کو   بتائے بغیر   اس چیز کوآگے  فروخت  کرنا  جائز  نہیں ،اور  اگر  مدت  گذرنے کی وجہ    سے    کھانے  پینے  کی اشیاءمضر صحت   بن جائیں     تو  ایسی  چیزوں  کو   فروخت کرنا    حرام  ہوجاتا   ہے ۔نیز  جھوٹ  اور دھوکہ دہی   کے ساتھ نقلی چیز   کو   اصلی  کہکر  فرخت  کرنا     بھی  حرام ہے ، دکان  میں نقلی چیز     کو اصلی  کے ساتھ رکھ کر   گاہک  کو بتائے  بغیر   فروخت کرنا  بھی   ناجائز  ہے ، جو دکاندار  ایسا   دھوکے  باز ہو  کہ   نقلی  مال  کو  اصلی مال کے ساتھ   ملاکر فروخت کرتا   ہے ،  اوراسپئیر شدہ  مال  بھی فروخت کرتا  ہے ، ایسی  دکان   میں  ملازمت  کرنا    گناہ  کے کام  میں  تعاون  کی وجہ سے  جائز نہیں ، اگر  کسی  نے ایسی   دکان  میں   ملازمت  اختیار کرلی ہے   تو  اس پر  لازم  ہے  کہ توبہ  استغفار  کرے    ،تنخواہ  کا استعمال  جائز  ہے ،البتہ اپنی  تنخواہ  میں  سے ناجائز  مال بیچنے  کی بقدر   صدقہ کردے ، اوراس کو  چاہئے  کہ  جلدی  کو شش  کرکے   جائز آمدنی  کا کوئی   بے غبار ذریعہ  اختیارکرے ۔

حوالہ جات

البحر الرائق شرح كنز الدقائق ومنحة الخالق وتكملة الطوري (6/ 38)

كتمان عيب السلعة حرام وفي البزازية وفي الفتاوى إذا باع سلعة معيبة عليه البيان وإن لم يبين قال بعض مشايخنا يفسق وترد شهادته قال الصدر لا نأخذ به. اهـ. وقيده في الخلاصة بأن يعلم به.

الفتاوى الهندية (43/ 286)

واللحم إذا أنتن يحرم أكله والسمن واللبن والزيت والدهن إذا أنتن لا يحرم والطعام إذا تغير واشتد تنجس .والأشربة بالتغير لا تحرم ، كذا في خزانة الفتاوى .

احسان اللہ شائق عفا اللہ عنہ    

دارالافتاء جامعة الرشید     کراچی

28/شوال 1444ھ

واللہ سبحانہ وتعالی اعلم