80566 | قربانی کا بیان | قربانی کے متفرق مسائل |
سوال
ہمارے پاس ذاتی جانور گھر ہی میں موجود تھا جس میں ہم نے قربانی کی نیت کرلی تھی۔اب وہ جانور اچھا خاصابڑا ہوگیا ہے۔ہم نے سوچھا کہ یہ جانور کسی ایسے شخص کو بیچا جائے جو اس کے بڑے قد سے فائدہ اٹھائے مثلاًبیل گاڑی کا کام اور پھر قربانی کے لئے اس سے مہنگا جانور خرید لیا جائے۔تو کیا اس طرح کرنا جائز ہے اور قربانی کے لئے اس سے مہنگا جانور ہی خریدا جائے؟
اَلجَوَابْ بِاسْمِ مُلْہِمِ الصَّوَابْ
واضح رہے کہ اگر جانور قربانی کی نیت سے نہ خریدا گیا ہو یا گھر کا پالتو جانور ہو اور پھر اس کے بعد اس میں قربانی کی نیت کی گئی ہو تو اس صورت میں محض قربانی کی نیت کر لینے سے اسی جانور کی قربانی ضروری نہیں ہوتی،چاہے قربانی کرنے والا غریب ہو یا غنی۔
لہٰذا مذکورہ صورت میں اس جانور کو بیچنا جائز ہے اور اگر آپ پر قربانی واجب ہے تو اس کی ادائیگی کے لئے مناسب جانور خرید کر قربانی کی جائے،مذکورہ جانور سے مہنگا جانور خریدنا بھی ضروری نہیں ہے۔
حوالہ جات
بدائع الصنائع في ترتيب الشرائع (5/ 62)
ولو كان في ملك إنسان شاة فنوى أن يضحي بها أو اشترى شاة ولم ينو الأضحية وقت الشراء ثم نوى بعد ذلك أن يضحي بها لا يجب عليه سواء كان غنيا أو فقيرا؛ لأن النية لم تقارن الشراء فلا تعتبر۔
الدر المختار وحاشية ابن عابدين (رد المحتار) 6/ 321
فلو كانت في ملكه فنوى أن يضحي بها أو اشتراها ولم ينو الأضحية وقت الشراء ثم نوى بعد ذلك لا يجب، لأن النية لم تقارن الشراء فلا تعتبر۔
محمدمصطفیٰ رضا
دارالافتا ءجامعۃالرشید کراچی
01/ذو الحجہ/1444ھ
واللہ سبحانہ وتعالی اعلم
مجیب | محمد مصطفیٰ رضا بن رضا خان | مفتیان | سیّد عابد شاہ صاحب / محمد حسین خلیل خیل صاحب |