سوال

ایک مسئلہ  یہ ہے کہ    امی نے کچھ رقم   ایک  پوتی کے پاس رکھوائی   تھی  اور    انتقال   سے ایک ہفتہ   پہلے زبانی   طور پر یہ کہاتھا  کہ   یہ  تمام   پیسے   پوتیوں کی شادی میں   خرچ کرنا   ،اب اس رقم کا کیا  حکم ہوگا ؟تقریبا  سات پوتیاں  غیر شادی  شده حیات   ہیں۔

اَلجَوَابْ بِاسْمِ مُلْہِمِ الصَّوَابْ

اگر مرحومہ نے ایک پوتی کے پاس رکھی ہوئی  رقم  کو تمام  پوتیوں  کی شادیوں  میں  خرچ کرنے کا کہا  ہے تو یہ مرحومہ کی طرف سے  پوتیوں کے حق میں  وصیت  ہے ،اس کاحکم یہ ہے کہ اگر یہ  رقم  مرحومہ کے کل  ترکہ کی تہائی  یا اس سے  کم  ہو ،﴿زیادہ ہونے کی  صورت  میں تہائی سے زائد رقم  وصیت  کے مطابق  خرچ کرنے کی  ورثا ء  کی  اجازت حاصل ہو﴾ تو  یہ رقم  غیر شادی  شدہ پوتیوں  کومساوی  طور پر تقسیم کردی جائے ،مالک بننے کے بعد  ان   کو اختیار  ہوگا  کہ وہ  اپنی مرضی  سے ضروریات میں خرچ کرسکتی ہیں ۔

حوالہ جات

الهداية في شرح بداية المبتدي (4/ 514)

قال: "ولا تجوز لوارثه" لقوله عليه الصلاة والسلام: "إن الله تعالى أعطى كل ذي حق حقه، ألا لا وصية لوارث" ولأنه يتأذى البعض بإيثار البعض ففي تجويزه قطيعة الرحم ولأنه حيف بالحديث الذي رويناه، ويعتبر كونه وارثا أو غير وارث وقت الموت لا وقت الوصية لأنه تمليك مضاف إلى ما بعد الموت، وحكمه يثبت بعد الموت. "والهبة من المريض للوارث في هذا نظير الوصية" لأنها وصية حكما حتى تنفذ من الثلث، وإقرار المريض للوارث على عكسه لأنه تصرف في الحال فيعتبر ذلك وقت الإقرار.

قال: "إلا أن تجيزها الورثة" ويروى هذا الاستثناء فيما رويناه، ولأن الامتناع لحقهم فتجوز بإجازتهم؛ ولو أجاز بعض ورد بعض تجوز على المجيز بقدر حصته لولايته عليه وبطل في حق الراد.

             احسان اللہ شائق عفا اللہ عنہ    

       دارالافتاء جامعة الرشید     کراچی

۲۲ ذی الحجہ ١۴۴۴ھ

واللہ سبحانہ وتعالی اعلم