سوال

دادا(فوت شدہ)

دادی(فوت شدہ)

بیٹا ایم اختر(غیرشادی شدہ) بیٹا ایم ارشد(شادی شدہ )بیٹاایم افضل (شادی شدہ)

(فوت شدہ)                                       (فوت شدہ)                                 (فوت شدہ )

اولاد                            اولاد

                                                       ۱۔بیوہ (زندہ)                               ۱۔بیوہ (زندہ)

                                                       ۲۔بیٹا(زندہ)                              ۲۔بیٹا(زندہ)

                                                       ۳۔بیٹا(زندہ)                            ۳۔بیٹی (زندہ)

                                                       ۴۔بیٹی(زندہ)                              ۴۔بیٹا(زندہ)

                                                                                                       ۵۔بیٹی (زندہ)

گزارش ہےکہ میرےتایاجان کل تین بھائی اورکوئی بہن نہیں تھی،میرےوالد اورمیرےچچا ایم ارشد شادی شدہ تھے،اوردونوں وفات پاگئے ہیں،اوردونوں کی فیملی کی تفصیل اوپر خاکےمیں درج ہے،میرےتایاجان ایم اختر کی وفات جنوری 2023 میں ہوئی ہے،جبکہ میرےوالد اورچچا کی وفات تقریبا 5سال پہلےہوئی تھی،میرےتایاجان اپنےچھوٹےبھائی ایم افضل کےساتھ والدین کی وفات کےبعد رہائش پذیر تھے،والدکی وفات کےبعدوہ میرےساتھ یعنی اپنی بھتیجے(بلال)کےساتھ رہائش پذیرتھے،میرےایاٹریکٹروں کی مرمت کا کام کرتےتھے،عرصہ 40 سال کام کرنےکےبعد وہ اب بوڑھےہوگئےتھےاورگھرپرہی رہتےتھےمیرےساتھ ،انہوں نےاپنےبینک اکاؤنٹ میں کچھ رقم جمع کی ہوئی تھی،ان کی عمرہ کی خواہش تھی ،جوکہ پوری نہ ہوسکی،انہوں نےبینک میں موجود رقم کاذکرمیرےعلاوہ کسی سےنہیں کیاتھا،ان کی زندگی میں ان کی بیماری کےعلاج کےلیےکچھ رقم میں نےاستعمال کی ا ن کوبتائےبغیراوروفات کےخرچ کےلیےبھی رقم استعمال کی اوراب جورقم باقی ہےان کےاکاؤنٹ میں ،اس کی تقسیم یااستعمال کےمتعلق آپ کی رائےاسلام اورشریعت کےمطابق درکارہے،میری راہنمائی فرمائیں۔

میرےتایاجان کی اپنےدوسرے بھائی ایم ارشد کےبچوں اوربیوہ کےساتھ تعلقات نہ ہونےکےبرابرتھے،خاندانی رنجش کی وجہ سےان کےگھر بھی وہ نہیں جاتےتھے،اورنہ ہی کھانا وغیرہ کھاتےتھے۔

اپنی زندگی میں ان کا پیاراور محبت اپنےچھوٹے بھائی ایم افضل اوران کی اولاد کےساتھ زیادہ تھا،ان کی وفات بھی ہمارےگھر میں ہوئی تھی،اورتجہیزوتکفین کےسارےمراحل ہمارےگھرمیں ہی تکمیل پائےتھے۔

برائےمہربانی جواب تفصیل کےساتھ تحریری صورت میں بھیجیےگا۔

اَلجَوَابْ بِاسْمِ مُلْہِمِ الصَّوَابْ

صورت مسئولہ میں  تایاجان کی جوذاتی رقم آپ نےان کےعلاج معالجہ میں ،اسی طرح  ان کی وفات کےبعد تجہیزوتکفین میں خرچ کی یہ شرعاجائزہےکوئی حرج نہیں،جورقم باقی بچ گئی ہےوہ میراث ہے،اس کو میراث کےشرعی طریقےکےمطابق تقسیم کرناضروری ہوگا۔

میراث اس طرح تقسیم کی جائےگی کہ مرحوم تایاجان کےانتقال کےوقت ان کےجتنےبھتیجےزندہ  تھے،تایاکی میراث صرف بھتیجوں میں برابرتقسیم ہوگی(بھتیجیوں کامیراث میں شرع کوئی حصہ نہیں ہوگا)۔

اورپردیےگئےخاکےکےمطابق چاربھتیجےزندہ تھےتومیراث کےکل چاربرابرحصےکرکےہربھتیجےکوایک ایک حصہ دیاجائےگا ۔

حوالہ جات

"الدر المختار للحصفكي"7 / 377:

ابن الاخ لا يعصب أخته، كالعم لا يعصب أخته وابن العم لا يعصب أخته وابن المعتق لا يعصب أخته، بل المال للذكر دون الانثى لانها من ذوي الارحام.

قال في الرحبية: وليس ابن الاخ بالمعصب من مثله أو فوقه في النسب بخلاف ابن الابن وإن سفل فإنه يعصب من مثله أو فوقه ممن لم تكن ذات سهم ويسقط من دونه۔۔۔

محمدبن عبدالرحیم

دارالافتاءجامعۃ الرشیدکراچی

12/صفر      1445ھج

واللہ سبحانہ وتعالی اعلم