سوال

گاڑی کی انشورنس جیسا کہ آج کل بینکوں سے کروائی جاتی ہے، اسے جائز نہیں کہا جاتا۔ یہ فرمائیے کہ اگر کسی دوسرے کی گاڑی جس کی انشورنس ہوئی ہو، اس کا میری وجہ سے نقصان ہو جائے تو کیا از روئے شریعت میرا اس سے یہ مطالبہ درست ہے کہ انشورنس کلیم کروا لو، کیوں کہ اس طرح مجھے پیسے نہیں دینے پڑیں گے اور اس کا کام بھی ہو جائے گا۔

اَلجَوَابْ بِاسْمِ مُلْہِمِ الصَّوَابْ

انشورنس کا کلیم لینا جائز نہیں ہے، نہ گاڑی کا مالک اس کا مطالبہ کرسکتا ہے، نہ آپ اسے اس کا کہہ سکتے ہیں۔ آپ کے ذمے گاڑی کے نقصان کا تاوان لازم ہے اگر یہ نقصان آپ کے قصور سے ہوا ہے۔ البتہ اگر مالک آپ کو نقصان سے بری کردے تو آپ بری ہوسکتے ہیں۔

حوالہ جات

الهداية شرح البداية (4/ 200)

 قال ومن قاد قطارا فهو ضامن لما أوطأ فإن وطىء بعير إنسانا ضمن به القائد والدية على العاقلة لأن القائد عليه حفظ القطار كالسائق وقد أمكنه ذلك وقد صار متعديا بالتقصير فيه والتسبيب بوصف التعدي سبب للضمان إلا أن ضمان النفس على العاقلة فيه وضمان المال في ماله.

الهداية شرح البداية (4/ 201)

قال ولو أرسل بهيمة فأفسدت زرعا على فوره ضمن المرسل.

عمر فاروق

دار الافتاء جامعۃ الرشیدکراچی

۱۲/صفر الخیر/۱۴۴۵ھ

واللہ سبحانہ وتعالی اعلم