سوال

جناب   مفتی صاحب  عرض یہ ہے  کہ   میری   بہن  انڈیا میں رہتی   ہے ، میرے   پھوپی   زاد بھائی کے ساتھ شادی   ہوئی ہے ، میں    یہاں پاکستان سے    اپنے چھوٹے بھائی  کےساتھ والدہ   کو عمرہ   پر بھیج رہا ہوں  ،بہن انڈیا   سے   اکیلی   سفر  کرکے  عمرہ  کے لئے آنا چاہتی ہے ، کیونکہ اس   کا شوہر    ایساکام کرتا    ہے کہ  اس   کا اور   بڑے بیٹے کا  دکان  میں موجود   رہنا ضروری   ہے ، اور  اس  کے چھوٹے  بیٹے  کے پاسپورٹ  کا مسئلہ ہے ،وہ فورا   نہیں  مل سکتا ،اب اگر اس طرح  کرلیا  جائے ،کہ  بھائی  پہلے عمرہ  کے لئے  پہنچ   جائے  ،پھر بہن     اکیلی    انڈیا سے جہاز پر آجائے ، بھائی اس   کو جدہ سے   یا مکہ  سے  وصول کرلے   تو شرعا  اس طرح  تنہا    سفر کرنا جائز ہے یا  نہیں  ؟

اَلجَوَابْ بِاسْمِ مُلْہِمِ الصَّوَابْ

جوعورت اپنے  شہر یاگاؤں کی  حدود سے  باہر  تقریبا 78 کیلومیٹر  یا اس  سے دورکاسفر کرنا چاہتی  ہو   اس پر  شرعا لازم  ہے  کہ محرم کے  ساتھ سفر کرے  ،کسی  خاتون  کے لئے محرم کے بغیر   سفرکرنا جائز نہیں ہے ۔رسول  اللہ صلی اللہ  علیہ  وسلم نے   خواتین کو بغیر  محرم کے سفر کرنے  سے منع فرمایا ہے  ، کیونکہ  سفر میں  بہت سے  مواقع  ایسے آتے  ہیں  کہ  کسی دوسرے  سے مدد  لینے پر مجبور ہوجاتی ہے ، اس کام کے لئے  محرم کا  ساتھ ہونا   ضروری  ہوتا ہے ،

لہذا  صورت مسئولہ  میں آپ کی  بہن کے لئے انڈیا سے تنہا سفر کرکے  عمرہ کے لئے جانا  شرعاجائز نہیں ، اس لئے  کوشش کرکےکسی   محرم  کو  ساتھ  لیکر    سفر کرے  تنہا سفر نہ کرے۔

حوالہ جات

الدر المختار وحاشية ابن عابدين (رد المحتار) (2/ 464)

(و) مع (زوج أو محرم) ولو عبدا أو ذميا أو برضاع (بالغ) قيد لهما كما في النهر بحثا (عاقل والمراهق كبالغ) جوهرة (غير مجوسي ولا فاسق) لعدم حفظهما

 (قوله في سفر) هو ثلاثة أيام ولياليها فيباح لها الخروج إلى ما دونه لحاجة بغير محرم بحر، وروي عن أبي حنيفةوأبي يوسف كراهة خروجها وحدها مسيرة يوم واحد، وينبغي أن يكون الفتوى عليه لفساد الزمان شرح اللباب ويؤيده حديث الصحيحين «لا يحل لامرأة تؤمن بالله واليوم الآخر أن تسافر مسيرة يوم وليلة إلا مع ذي محرم عليها» وفي لفظ لمسلم «مسيرة ليلة» وفي لفظ «يوم» "    

بدائع الصنائع في ترتيب الشرائع (2/ 123)

 (ولنا) ما روي عن ابن عباس - رضي الله عنه - عن النبي - صلى الله عليه وسلم - أنه قال: ألا «لا تحجن امرأة إلا ومعها محرم» ، وعن النبي - صلى الله عليه وسلم - أنه قال: «لا تسافر امرأة ثلاثة أيام إلا ومعها محرم أو زوج» ولأنها إذا لم يكن معها زوج، ولا محرم لا يؤمن عليها إذ النساء لحم على وضم إلا ما ذب عنه، ولهذا لا يجوز لها الخروج وحدها.

والخوف عند اجتماعهن أكثر، ولهذا حرمت الخلوة بالأجنبية، وإن كان معها امرأة أخرى، والآية لا تتناول النساء حال عدم الزوج، والمحرم معها؛ لأن المرأة لا تقدر على الركوب، والنزول بنفسها فتحتاج إلى من يركبها، وينزلها، ولا يجوز ذلك لغير الزوج، والمحرم فلم تكن مستطيعة في هذه الحالة فلا يتناولها النص

 احسان اللہ شائق عفا اللہ عنہ    

 دارالافتاء جامعة الرشید    کراچی

١۷ صفر ١۴۴۵ھ

واللہ سبحانہ وتعالی اعلم