82968 | زکوة کابیان | ان چیزوں کا بیان جن میں زکوة لازم ہوتی ہے اور جن میں نہیں ہوتی |
سوال
ایک شخص کی دکان ہو، پورا کاروبار ہو تو اس میں زکوۃ نکالنے کا کیا طریقہ ہے؟سال پورا ہونے پر کیا صرف سال بھر حاصل شدہ نفع پر زکوۃ ہوگی یا پھر سال پورا ہونے کی صورت میں جو مال رکھا ہوا ہے اس کی قیمت فروخت کے اعتبار سے زکوۃ ہوگی؟
اَلجَوَابْ بِاسْمِ مُلْہِمِ الصَّوَابْ
صورتِ مسئولہ میں دکان میں موجود تمام مال اورحاصل شدہ نفع سب کی زکوة ادا کرنا لازم ہے، نیز آدمی کےصاحبِ نصاب ہو نےکےبعد سال کے دوران مال کی بیشی کا اعتبار نہیں، بلکہ سال کی آخری تاریخ کو دکان میں موجود تمام مال کی زکوة دکاندار کے ذمہ لازم ہو گی، اگرچہ اس میں سے بعض مال پر سال نہ گزرا ہو۔
حوالہ جات
المبسوط للسرخسي (2/ 172) دار المعرفة، بيروت:
(قال) وإذا كان النصاب كاملا في أول الحول وآخره فالزكاة واجبة، وإن انتقص فيما بين ذلك وقتا طويلا ما لم ينقطع أصله من يده.
محمد نعمان خالد
دارالافتاء جامعة الرشیدکراچی
24/رجب المرجب 1445ھ
واللہ سبحانہ وتعالی اعلم
مجیب | محمد نعمان خالد | مفتیان | سیّد عابد شاہ صاحب / محمد حسین خلیل خیل صاحب |