سوال

زمین  اجارہ   پر دینے کی ایک صورت یہ  ہوتی ہے کہ  اجارہ  کی مدت بھی متعین  ہوکہ  مثلا   دس سال  کے لئے  ہے،                                                                                                                        اور  ہرسال  کی اجرت بھی متعین ہے  کہ مثلا  ماہانہ  دس ہزار، اس   کے بعد  زمین کے مالک  کو  رقم کی ایک  مقدار پیشگی دی جاتی  ہے ،  مثلا  پانچ لاکھ روپے،پھر  ماہا نہ کرایہ  اسی رقم  سے کاٹا  جاتا ہے ،  پھر  عقد اجارہ ختم ہونے پر  بقایا رقم  واپس کردی جاتی ہے ،اس صورت  میں بھی پیشگی  یکمشت دی جانے والی رقم   کی مقدار  میں زیادتی   کے  حساب سے  ماہا نہ کرایہ کم  وصول کیاجاتا ہے ،یعنی  علاقے کی دیگر زمین کے  مقابلے میں ۔

نوٹ ٰاسی  میں  ایک  صورت یہ  بھی  ہوتی   ہے کہ  اجارہ کی  مدت متعین نہیں ہوتی کہ کتنے سالوں کے لئے  یہ اجارہ ہے ؟ معاملہ  چلتا رہتا ہے،جب   معاملہ ختم ہو تو  بقایا رقم واپس کردی جاتی ہے۔، اس  معاملہ کا  شرعا کیاحکم ہے جبکہ اس میں بھی پیشگی رقم کی وجہ سے  کرایہ میں کمی کی جاتی ہے  ؟

اَلجَوَابْ بِاسْمِ مُلْہِمِ الصَّوَابْ

ان دونوں صورتوں   میں  بھی  پیشگی  اداکردہ  رقم  زمین کی مالک کے  پاس قرض  ہے ،مالک زمین  اس قرض  کی وجہ سے  ماہا نہ کرایہ میں  کمی کرتا ہے ،یہ  بھی سود کے حکم میں داخل ہونے کی وجہ  سے   ناجائز اور  حرام ہے ۔ اس کی جائز   اور متبادل صورت یہ ہوسکتی ہے کہ ماہانہ  کرایہ  کا حساب  کرکے  یکمشت رقم  پیشگی ادا  کردے اور پیشگی  رقم  کی ادائیگی کی وجہ سے  پڑوس  کی زمینوں  کے  مقابلے میں  اس زمین کے کرایہ  میں  کمی  نہ کی جائے  بلکہ  عام  زمینوں  کے برابر کرایہ  وصول کیاجائے ،تو یہ معاملہ شرعا جائز قرار پائے گا۔

حوالہ جات

۰۰۰۰

  احسان اللہ شائق عفا اللہ عنہ    

دارالافتاء جامعة الرشید    کراچی

١۷جمادی  الثانیہ  ١۴۴۵ھ

واللہ سبحانہ وتعالی اعلم