سوال

کیا فرماتے ہیں  علماء کرام  اس مسئلہ کے بارے میں  کہ مسمی شکیل خان   18 جولائی  2022ء کو   دوران  ملازمت   انتقال  کرگیا ،

 ورثاء  میں  ایک بیوہ   بی بی راجہ ، بچی   ستارہ شکیل ، والدہ  ثمینہ اور  پانچ  بھائی جن میں   سے  تین شادی شدہ ہیں ، محمد رضا  ،عمران خان ، عرفان خان ، اور دو غیر شادی  شدہ ہیں   عثمان خان اور ذی شان گل ، اور تین  بہنیں ہیں  جو کہ شادی شدہ ہیں ، فوزیہ صفیہ ،یاسمین یہ سب حیات ہیں  جبکہ  مرحوم  کا ایک بیٹاشہزاد خان  اور   والد  عبد الرشید   مرحوم کی زندگی میں   وفات پاچکے ہیں ،

مرحوم شکیل خان پاکستانی فوج میں ملازم تھے،فوج کے قانون کے مطابق شیٹ رول /پرسنل ڈاکومنٹس  میں مرحوم کے مستقبل کے وارث  ان کی زوجہ ہے ،اسی  لحاظ سے  فوج کے قانون کے مطابق   کاغذات کے جانچ  پڑتا ل کےبعد ان کی زوجہ  کو  مستقبل کے وارث کے  طور پر نام زد  کیاگیاتھا ، مسمی شکیل خان  کے انتقال کے بعد محکمہ کی طر ف  سے  مختلف فنڈز / پنشن ان کی    بیوہ  ، بی بی راجہ  اور بیٹی  ستارہ شکیل  کے نام کراس  چیک ان کے اکاونٹ   میں آچکے ہیں ،یہ فنڈز تقریبا  60 لاکھ پر  مشتمل  ہیں جن کی تفصیل  سوال  کے ساتھ منسلک  کا  غذات   میں موجود  ہے .

اب سوال  یہ ہے  کہ  مذکورہ   فنڈز  میں  مرحوم  کی بیوہ  اور بیٹی   کے علاوہ    ان کی والدہ اور دیگر ورثاء کا بھی کوئی   حق  بنتا ہے یانہیں؟  اگر بنتا ہے تو   مذکورہ   میراث   ورثاء  میں کس تناسب سے تقسیم ہوگا ؟

اَلجَوَابْ بِاسْمِ مُلْہِمِ الصَّوَابْ

مرحوم   شکیل  خان نے   بوقت   انتقال منقولہ  غیر منقولہ   جائداد  ،سونا   چاندی ،نقدی اور  دیگر   چھوٹا بڑا جو بھی سامان   اپنی ملک میں    چھوڑا ہے  سب مرحوم کا   ترکہ  ہے ،  اس  میں  سے  پہلے تو  کفن دفن کامتوسط   خرچہ نکالا جائے  گا اس کے  بعد اگر مرحوم کے ذمے  کسی کا قرض ہو تو   کل مال سے  اس کو ادا کیاجائے  ،ا س کے  بعد   اگر   مرحوم نے کسی غیر وارث  کے حق میں کوئی جائز وصیت کی   ہو تو   ایک تہائی مال کی   حد تک   اس پر   عمل کیاجائے ،اسکے بعد  مال  تمام ورثاء  کے درمیان بطور  میراث تقسیم  ہوگا 

مرحوم  کے ترکے کی  تقسیم اس طرح ہوگی  کہ کل مال  کو مساوی  312 حصوں میں تقسیم کرکے اس میں  سے  لڑکی  ستارہ  کو 156 حصے  ، بیوہ   بی بی راجہ  کو39 حصے   ، والدہ ثمینہ  کو  52 حصے  اور پانچوں  بھائیوں  میں  سے   ہرایک کو  10،10 حصے  اور  تینوں  بہنوں  میں  سے ہرایک  کو   5،5 حصے دئے جائیں گے۔

فیصدی تناسب  سے حصے  اس طرح ہونگے۔

بیوہ  کاحصہ     =  ٪  5 .  12             

والدہ  کاحصہ .= ٪  67. 16

بیٹی  کاحصہ =     ٪  50

پانچوں  بھائیوں میں سے ہرایک حصہ =   ٪  4 20   .  3

 تینوں  بہنوں میں سے  ہرایک کاحصہ =   ٪     602  . 1

انتقال  کے بعد  حکومت  کی طرف سے   ملنے والی رقوم  کاحکم  

پہلے  اصولی طور  پر یہ بات سمجھ  لیں   کہ  کسی  مرنے والے  کے قابل  وراثت ترکے میں   بنیادی طورپر اہمیت   اس بات کو ہے کہ  وہ   یا تو کوئی  ایسا مال  ہو  جو مرتے   وقت  اس کی ملکیت میں  تھا یامرحوم کا کوئی ایسامالی حق   کسی  پر  ہو جو اس کی  زندگی  میں واجب الادا ہوگیا  تھا ، وہ  اپنی  زندگی  میں  کسی وقت  اس کا لازمی طور پر مطالبہ کرسکتاتھا  ،

اس اصول کو  سمجھ لینے کے بعد   آپ کے سوال کے ساتھ منسلکہ  کا غذات   کے مطابق  مرحوم شکیل کی  موت  کے بعد سرکاری  محکمے  کی طرف  سے   ملنے والے  مختلف قسم  کے فنڈز   ہیں،  ان کا  جائزہ  لیکر ترتیب وار حکم لکھا جاتا  ہے

 1  ۔  تجہیز وتکفین   کا  خرچہ ، اگر کسی نے  اپنی  طرف  سے بطور  قرض خرچ کیا    تھا  تو  یہ رقم   اسی کو دی جائے ،اگر  مرحوم   کے مال  سے خرچ ہوا تو اس رقم  کوترکے میں  شامل  کیا جائے گا ،

           2۔لیوان کیشمنٹ ﴿ مجوزہ   تعطیلات  کا معاوضہ﴾3 ۔ڈیفینس  ہاؤ سنگ   سوسائٹی کا   پلاٹ جو مرحوم  کے نام پر  الاٹ ہے،یہ دونوں   چیزیں مرحوم  کے ترکے  میں شامل ہونگی  ،اور تمام  ورثاء میں  شرعی قاعدے کے مطابق   تقسیم ہونگی.

4۔ سرکاری  جی پی فنڈ  ملازم  کی  اپنی  تنخواہ   سے  جبری  کٹوٹی  کی ہوئی  رقم  ہوتی ہے جس میں  حکومت  اضافی  رقم ملاکر  واپس کرتی ہے ، قانونی   طورپر  اس  رقم پر  ملازم  کا استحقاق  ثابت ہوجاتا  ہے ،  نیز  یہ رقم کسی  وارث کو متعین  کرکے نہیں دی جاتی اس لئے اس میں سب ورثا حقدار  ہوتے ہیں ،

5۔گریجویٹی  فنڈ ﴿ جس کاخلا صہ  یہ ہے کہ   ملازم  کی  جب ملازمت  ختم ہو جاتی  ہے     تو  مدت  ملازمت میںجو اس کی تنخواہ  بنتی   ہے  اسکو  مد نظر  رکھ کر  ایک  متعین  رقم  ملازم  کو دیجاتی  ہے ، اگر  زندہ   ہے تو ملازم  خود   وصول کرتا  ہے ،  اگر وفات  پاچکا ہے   تو اس کی  طرف سے نام زد  کردہ  وارث   وصول  کرتا ہے (، چونکہ  ادارہ  کے قانون  کے مطابق  ملازم کا حق  لازم بن چکا  ہوتا  ہے،اس لئے ترکے میں  داخل ہوکر ورثا ء کے درمیان شرعی اصول  کے مطابق تقسیم ہوگا ۔

6۔پنشن کی جو  رقم  ملازم  اپنی زندگی  میں یکمشت   وصول کرلیتا  ہے ،اس میں تو    بلاشبہہ ملازم کی ملکیت  ثابت ہوچکی ہوتی  ہے  ، اور  جوپنشن موت  کے بعد   ماہا  نہ   بنیاد   پر ملازم  کے نام  زد کردہ    شخص یا فراد   کو حکومت  دیتی  ہے وہ   جس کو   حکومت  دے اسی  کی ملک  ہوتی ہے ،  لہذا  مرحوم  کے  انتقال  کے بعد   پنشن  کی  مد  میں جو رقم  موصول ہوئی ہے   وہ ، چونکہ  بیوہ کو   متعین   کرکے   دی ہے   اس لئے  وہ  بیوہ کاحق  ہے ،اس بارے  میں ,,احکام میت  ،، کی ایک  عبارت  ملاحظہ  فرمائیں

,,پنشن  جب تک وصول  نہ ہوجائے ، ملک میں داخل نہیں ہوتی ، لہذا  میت کی  پنشن کی  جتنی  رقم  اس کی موت  کے بعد   وصول ہو ،وہ ترکہ میں شمار  نہ  ہوگی ۔ کیونکہ  ترکہ  وہ ہوتا ہے    جو  میت کے انتقال کے وقت  اس کی ملکیت میں ہو  ، اور رقم  اس کی وفات کے وقت  اس کی ملیکت نہیں  آئی تھی ،لہذا ترکہ میں جو چارحقوق   واجب ہوتے ہیں  ،وہ اس رقم میں واجب نہ ہوں گے، اور میراث   بھی اس میں جاری نہ ہوگی  ،  البتہ  حکومت  ﴿ یا وہ کمپنی جس سے  پنشن ملی  ہے  ﴾ جس کو یہ رقم دے گی،وہی  اس کا  مالک  ہوجائے گا ،  کیونکہ   یہ حق  الخد مت نہیں  ، پس  اگر حکومت   یا کمپنی یہ  رقم میت کسی  اایک رشتہ دار   کی ملکیت کردے   تو وہی اس کا تنہا  مالک ہوگا ، اگر سب وارثوں کو دے  سب وارث آپس میں  تقسیم کرلیں گے،،

                                                                                     ﴿احکام  میت ص  153﴾

  7۔بینوولنٹ فنڈ 8۔ گروپ انشورنس    کی   رقم    یہ ملازم  کے  انتقال  کےبعد    حکومت     کی طرف سے   مرحوم  ملازم  کی  فیملی    کو دیجاتی  ہے ،دارالا فتا  ء  جامعة   الرشید کی تحقیق  کے مطابق    ان دونوں   فنڈسے  ملنے  والی   تعاون    پر زندگی  میں  ملازم  کا استحقاق  ثابت نہیں  ہوتا ، چنانچہ اسکو زندگی    میں  اس رقم  کے مطالبہ  کاحق  نہیں  ہوتا  ، اس لئے   یہ رقم ادارہ    اپنے اصول   وضوابط   کے مطابق   جس کو مالک  بناکر دے  گا وہی   اس  کا مالک  ہوگا تمام  ورثاء   حقدار نہیں  ہونگے،لہذا  یہ رقم بیوہ   اور   بچی   میں  مین تقسیم  ہوگی ۔

 ﴿البتہ  گروب  انشورنس   میں ملازم کی    تنخواہ  سے کاٹی جانے  والی رقم اور جو اضافی    رقم بورڈ  آف ٹرسٹی   نے  ملازم کی طرف سے  انشورنس  کمپنی   کے پاس جمع   کروائی ہو   اتنی  رقم   وصول  کرنا   ورثاء کے لئے  جائز ہے ،اس کے  علاوہ   زائد رقم اگر   انشورنس کمپنی  براہ  راست  مرحوم  کے  ورثاء  کو   دے   تو   ورثاء کے لئے  انشورنس کمپنی  سے اضافی   رقم وصول کرنا   جائز نہیں ،کیونکہ  انشورنس کمپنی  کی طرف سےبلاواسطہ   دی جانے والی  اضافی رقم  سود  اور جوئے    پر مشتمل   ہونے   وجہ سے   اس کا لیناحرام  ہے ﴾

لہذا  اگر  مذکورہ  رقم  میں ایسا  کچھ حصہ   شامل ہو تو اس کو   صدقہ کردیاجائے ۔

نوٹ ؛پنشن ،گریجویٹی  ، بینوولنٹ فنڈ  ، گروپ  انشورنس  کی مزید تفصیل جاننے   کے لئے  ملاحظہ   فرمائیے فتوی  دارالا فتاء   جامعة  الرشید کراچی  فتوی  نمبر 63 /81105

بچی  کی تربیتی  فنڈ یہ خالص  بچی کاحق  ہے جو اس کی تعلیم وتربیت پر خرچ کی جائے گی  ۔

حوالہ جات

الفقه الإسلامي وأدلته لوهبة الزحيلي (10/ 372)

الإرث لغة: بقاء شخص بعد موت آخر بحيث يأخذ الباقي ما يخلفه الميت. وفقهاً: ما خلفه الميت من الأموال والحقوق التي يستحقها بموته الوارث الشرعي

الدر المختار وحاشية ابن عابدين (رد المحتار) (4/ 220)

(ومن مات) ممن ذكر (في نصف الحول حرم من العطاء) لأنه صلة فلا تملك إلا بالقبض،

 (قوله ممن ذكر) أي ممن يقوم بمصالح المسلمين، كالقضاة والغزاة، ونحوهم زيلعي (قوله في نصف الحول) المراد به ما قبل آخره بقرينة قوله ولو في آخره ط (قوله حرم من العطاء) هو ما يثبت في الديوان باسم كل ممن ذكرنا، من المقاتلة وغيرهم، وهو كالجامكية في عرفنا إلا أنها شهرية، والعطاء سنوي فتح (قوله لأنه صلة) ولذا سمي عطاء فلا يملك قبل القبض فلا يورث

احسان اللہ شائق عفا اللہ عنہ

دارالافتاء جامعة الرشید     کراچی

١۰ صفر ١۴۴۵ھ

واللہ سبحانہ وتعالی اعلم