سوال

ای ،او ،بی آئی   ﴿ اولڈ  ایج  بینیفٹ انسٹی  ٹیوشن ﴾  کروانا کیسا ہے ؟ریٹائر  ہونے  کے بعد کیا  اس کی رقم لینا حلال   ہے ؟اگر  یہ حرام ہے تو  غیر اختیاری  اور   جبری صورت میں    کیا کریں  جیسا کہ ہماری  کمپنی  ہمیں تنخواہ   دیتے  وقت   ای ،او ،بی کی رقم   کاٹ لیتی  ہے ۔

اَلجَوَابْ بِاسْمِ مُلْہِمِ الصَّوَابْ

EOBI      ﴿ اولڈ  ایج  بینیفٹ انسٹی  ٹیوشن ﴾ ایک سرکاری ادارہ  ہے ،جس کا مقصد پرائیویٹ کمپنی اور   اداروں  میں   کام کرنے والے   ملازمین کو ریٹائر  ہونے کے بعد یا وفات کی صورت میں  ان کے لواحقین کو   حکومتی ملازمین کی طرح   ان کی خدمات  کے نتیجے میں  اپنی طرف سے  ان کی تنخواہوں  سے کاٹی ہوئی   رقم  مع  اضافہ فراہم کرتا ہے ،اس لئے یہ ادارہ   پرائیوٹ کمپنیوں اور اداروں  کو اس بات  کا پابند کرتا ہے  کہ کمپنی کچھ   رقم   ملازمین  کی تنخواہوں  سے  کاٹ کر کچھ  رقم اپنی طرف سے EOBI ﴿ اولڈ  ایج  بینیفٹ انسٹی  ٹیوشن ﴾  میں  جمع کروائے ،لہذا پرئیوٹ  ادارے   ملازمین کی تنخواہوں سے  جبرا   یہ رقم کاٹ کر اس ادارے کو جمع کروانے کے پابند ہیں ،چونکہ مذکورہ  رقم حکومتی   قانون کے تحت جبرا کاٹی جاتی ہے ،ملازمین کو اس فنڈ میں  رقم  جمع نہ  کروانے کا کوئی اختیار نہیں ہوتا اس  لئے اس  کاحکم   جبری  پراویڈنٹ  فنڈ  کی طرح  ہے ،، لہذا ملازم  یا  ا س کے لواحقین کے لئے اس رقم  کو  وصول کرکے  اپنی  ضروریا ت میں  خرچ کرنے  کی اجازت  ہوگی

حوالہ جات

البحر الرائق شرح كنز الدقائق ومنحة الخالق وتكملة الطوري (8/ 5)

قال - رحمه الله - (والأجرة لا تملك بالعقد، بل بالتعجيل أو بشرطه أو بالاستيفاء أو بالتمكن منه) يعني الأجرة لا تملك بنفس العقد، سواء كانت عينا أو دينا وإنما تملك بالتعجيل أو بشرطه أو باستيفاء المعقود عليه وهي المنفعة أو بالتمكن من الاستيفاء بتسليم العين المستأجرة في المدة اهـ.     

احسان اللہ شائق عفا اللہ عنہ    

دارالافتاء جامعة الرشید     کراچی

  ۹ذی قعدہ ١۴۴۴ھ   

واللہ سبحانہ وتعالی اعلم