سوال

ایک  شخص  کے 2 بچے  ہیں  ،ایک بیٹی  18 سال کی  غیر شادی  شدہ ہے  ،  ایک   بیٹا شادی شدہ  ، جو ابھی تک پڑھائی کی وجہ سے  والد کے زیر کفالت ہے ، باپ کے  ڈر سے پڑھائی  کررہا ہے ، کیونکہ پڑھائی چھوڑنے سے  والد ناراض ہوتا ہے ، یہ شخص    اپنی بیوی  اور بچوں  پر خرچ  کرنے میں    تنگی کرتا ہے ،یعنی  ضروری  خرچ ،کھانے پینے کے سامان  ،سبزی  ،جوتے   ،کپڑے  وغیر  میں تنگی  کرتا ہے ،   جبکہ مالی لحاظ   سے   تنگدست نہیں  ہے ،  فوج  کی نوکری  سے   ریٹائر  ہونے  کے بعد دیگر سہولیات  کے علاوہ   ہرماہ پنشن بھی ملتی ہے،  دوسری  بات  یہ ہے کہ    اولاد  کے ساتھ   برے سلوک سے  پیش آتا ہے ،  بیوی بچوں  کو گالیاں  دیتا  ،طعنے دیتا  ہے ،  بیوی  بچوں  نے ان کے ساتھ رہنے، اور ان  کو منانےکی ہر ممکن کوشش  کی، لیکن  اب  ان  کے ساتھ گذارہ  مشکل  نظرآتا  ہے ،  ایسے  میں  اگر   اولاد باپ کی بات  نہ مانیں  ،کمائی  کرکے والد کے حوالے نہ کریں  تو شرعا کیاحکم  ہے؟

اَلجَوَابْ بِاسْمِ مُلْہِمِ الصَّوَابْ

بچوں سے  پیار ومحبت  بچوں میں اپنائیت  کااحساس او راس کی شخصیت میں حسن پیداکرتا ہے ،اور  اگر یہ پیار ومحبت  بچہ کو نہ دی جائے  تو اس کے اندر احساس محرومی  پیداکرتا ہے ۔حضور  صلی اللہ  علیہ  وسلم بچوں سے ہمیشہ پیار فرماتےتھے،اپنے  نواسوں سے  پیار کرنے کے   بکثرت  واقعات  حدیث کی  کتابوں  میں موجود ہیں ،

نیز  اولاد کے حوالے سے  یہ بھی ضروری ہے کہ  ان کی  دنیوی پرورش کے ساتھ  اولاد  کی  نظری عملی اور  اخلاقی تربیت  کریں ،چنانچہ  رسول اللہ  صلی اللہ  علیہ وسلم کا ارشاد  ہے ،

حوالہ جات

مشكاة المصابيح للتبريزي (3/ 79)

 وعن أيوب  بن موسى عن أبيه عن جده أن رسول الله صلى الله عليه و سلم قال : " ما نحل والد ولده من نحل أفضل من أدب حسن " . رواه الترمذي والبيهقي

ایک والد کی  طرف سے  اپنی اولاد  کے لئے سب سے بڑا تحفہ  ان کی  دینی اخلاقی  تربیت ہے ،

،اولاد  پر  مال خرچ کرنا یہ بھی  بڑا اجر وثواب  کا  م ہے ،جناب رسول  اللہ  صلی اللہ  علیہ  وسلم نے  بیوی   بچوں  پرخرچ  کرنے کا  بڑا اجروثواب  بیان فرمایا  ہے ،                                                                               

مشكاة المصابيح للتبريزي (1/ 435)                                                                         

وعن أبي مسعود قال : قال رسول الله صلى الله عليه و سلم : " إذا أنفق المسلم نفقة على أهله وهو يحتسبها كانت له صدقة "

رسول  اللہ صلی اللہ  علیہ وسلم  نے  ارشاد فرمایا  کہ  بندہ  ثواب  کی نیت  سےاپنے  اہل  وعیال پر خرچ کرتا  ہے ،  تو اس کو  صدقہ کا اجر ملتا  ہے ۔            

نیز یہ  کہ لڑکی  ،کی  شادی  ہونے  تک  اورلڑکے،  کے بالغ   ہونے تک  اور  اگرلڑکا   والد کی اجازت  سےدینی تعلیم  حاصل  کررہا  ہے  تو تعلیم  سے فارغ  ہونے تک ، نان نفقہ  اور  دیگر  تمام  اخراجات   والد کے ذمے لازم ہے ،والد کے پاس  نان  نفقہ  ادا کرنے کی  استظاعت  ہوتے ہوئے  اس میں کوتاہی  کرنا حقوق   ادا نہ کرنا بڑا گناہ  ہے ،اس لئے  والد  کو   چاہئے کہ اپنی  اولاد  کو ضروری   خرچ پورا دیا کریں ،اس میں  کمی کوتا ہی نہ کریں ۔

اولاد کے  ذمے بھی لازم  ہے کہ  والد کی اظاعت اور  فرمانبرداری  میں  کوتا ہی نہ کریں ، زندگی  کے امور  کو ان کے مشورے سے طئے کریں ،کسی  معاملے میں  سرکشی  نہ کریں ، بڑوں  کے آپس کے  معاملات  کسی ایک  کی طرف داری نہ کریں ، بلکہ  دونوں کے ادب واحترام   کو ملحوظ  رکھیں ،  اور  دونوں  کے حق  میں دعا  جاری رکھیں ۔

  الدر المختار وحاشية ابن عابدين (رد المحتار) (3/ 572)

وشرعا: (هي الطعام والكسوة والسكنى) وعرفا هي: الطعام (ونفقة الغير تجب على الغير بأسباب ثلاثة: زوجية، وقرابة، وملك) بدأ بالأول لمناسبة ما مر أو؛ لأنها أصل الولد (فتجب للزوجة) بنكاح صحيح، فلو بان فساده أو بطلانه رجع بما أخذته من النفقة بحر (على زوجها) ؛ لأنها جزاء الاحتباس، وكل محبوس لمنفعة غيره يلزمه نفقته  الی  قولہ  ۰۰۰(وتفرض) النفقة بأنواعها الثلاثة (لزوجة الغائب) مدة سفر صيرفية واستحسنه في البحر ولو مفقودا (وطفله) ومثله كبير زمن وأنثى مطلقا

الی ۰۰۰۰ (قوله ومثله كبير زمن) المراد به الابن العاجز عن الكسب لمرض أو غيره كما سيأتي بيانه (قوله وأنثى مطلقا) أي ولو غير مريضة؛ لأن مجرد الأنوثة عجز ط والمراد بها البنت الفقيرة

احسان اللہ شائق عفا اللہ عنہ    

       دارالافتاء جامعة الرشید     کراچی

        ١۲صفر ١۴۴۵ھ       

واللہ سبحانہ وتعالی اعلم