سوال

بعض اوقات ایسا ہوتا ہے کہ کوئی کلائنٹ وکیل کے پاس کیس لے کر آتا ہے، اس کا معاملہ سننے کے بعد جب فیس طے ہونے کا مرحلہ آتا ہے تو فرض کیا وکیل اس سے 25 ہزار ڈیمانڈ کرتا ہے تو وہ کہتا ہے میرے پاس کچھ نہیں آپ 5 ہزار لے لیں اور اگر آپ میرا حق عدالت سے مجھے لے کر دینے میں کامیاب ہوتے ہیں تو میں آپ کو 25 کی بجائے 50 ہزار دوں گا (یعنی ورنہ مزید کچھ نہیں)۔کیا اس طرح کی فیس پہ رضامند ہونا اسلامی اصولوں کے خلاف ہو گا؟

اَلجَوَابْ بِاسْمِ مُلْہِمِ الصَّوَابْ

اس طرح معاملہ کرنا جعالہ کہلاتا ہے ۔اس میں اجرت تو متعین ہوتی ہےلیکن مدت اور عمل متعین نہیں ہوتا،بلکہ عمل کے مکمل ہونے پر اجرت دی جاتی ہے،اس طرح کا معاملہ اگرچہ شرعا جائز ہے،مگر بہتر یہ ہے کہ مکمل فیس ایک ہی وقت میں ابتداء میں طے کی جائے۔

حوالہ جات

قال في العناية: "باب العتق على جعل: الجعل بالضم ما جعل للإنسان من شيء على شيء يفعله، وكذلك الجعالة بالكسر." (ج:5,ص:3,دارالفكر) وفي شرح الوقاية: "ومعنى قوله: «أحق ما أخذتم عليه أجرا كتاب الله» الجعالة في الرقية، لأن ذلك في سياق جزاء الرقية، ودائرة الجعالة أوسع من دائرة الإجارة. ولهذا تجوز مع جهالة العمل والمدة دون الإجارة." (ج:4,ص:254,المكتبةالشاملة)

سمیع اللہ داؤد :معاملات

دارالافتاء جامعۃ الرشید کراچی

26/05/1436

واللہ سبحانہ وتعالی اعلم