81840 | متفرق مسائل | متفرق مسائل |
سوال
ہماری ٹرانسپورٹ کمپنی بھی ہے جو مختلف کمپنیوں کے ساتھ معاہدہ کرتی ہے ، ان کا سامان کپڑے وغیرہ گاڑی میں لوڈ کرکے ایک جگہ سے دوسری جگہ پہنچاتی ہے ،ایسے میں کسی قادیانی کمپنی سے سامان اٹھانے کا شرعی حکم کیاہے ؟
اَلجَوَابْ بِاسْمِ مُلْہِمِ الصَّوَابْ
ٹرانسپورٹ کمپنی کے ذریعہ قادیانی کمپنی کا ساما ن اٹھانے کا معاملہ بھی لین دین کا معاملہ ہے ، اس لئے اس سے بچنا چاہئے کیونکہ کسی بھی قادیانی سے کوئی معاملہ کرنا خواہ کسی بھی شکل میں ہو ،اس میں کافر مرتد کے ساتھ معاملہ ہے ،ہندو ،عیسا ئی وغیرہ عام کفار کے ساتھ جائز معاملہ کرنے کی شرعا اجازت ہے ،لیکن قادیانی اپنے آپ کو مسلمان ظاہر کرتے ہیں،لہذا ان کے ساتھ معاملات میں جو دینی نقصانات کاقوی اندیشہ ہے وہ دوسرے غیرمسلموں کے ساتھ معاملات میں نہیں ہے،اس لئےان کے ساتھ معاملات سے اجتناب لازم ہے ۔
حوالہ جات
۰۰۰۰
احسان اللہ شائق عفا اللہ عنہ
دارالافتاء جامعة الرشید کراچی
۰۳/جمادی الاولی ١۴۴۵ھ
واللہ سبحانہ وتعالی اعلم
مجیب | احسان اللہ شائق | مفتیان | سیّد عابد شاہ صاحب / محمد حسین خلیل خیل صاحب |