سوال

ایک بندہ کسی سے زمین اجارہ پر لیتا ہے،پھر آگے اس کو بٹائی پر دیتا ہے تو کرایہ پر لینے والے کے لیے زمین کے مالک کی اجازت کے بغیر ایسا کرنا جائز ہے؟

اَلجَوَابْ بِاسْمِ مُلْہِمِ الصَّوَابْ

عقد مزارعت میں زمیندار کے لیے زمین کا مالک ہونا ضروری نہیں،لہذا  اگر اس نے کسی سے زمین کرایہ پر لی ہے تو اس کو آگے مزارعت پر دے سکتا ہے،بشرطیکہ کاشتکار ایسی زراعت نہ کرے کہ جس سے زمین کو نقصان پہنچے۔

حوالہ جات

(مجلة الاحکام العدلیة:ص:109الناشر:قدیمی کتب خانہ)

( المادة 587 ):" للمستأجر إيجار ما لم يتفاوت استعماله وانتفاعه باختلاف الناس لآخر."

(الدر المختار،علامة علاء الدین محمد بن علی  الحصکفی،ج:9،ص:473، الناشر:دار المعرفة،بیروت)

"دفع الأرض المستأجرة من الآجر مزارعة جاز،إن البذر من المستأجر،ومعاملة لم یجز."

 ابرار احمد صدیقی

 دارالافتا ءجامعۃالرشید کراچی

  ۲۹/۰۵/ ١۴۴۳ھ

واللہ سبحانہ وتعالی اعلم