سوال

سوال یہ ہے کہ ان بچوں کے اخراجات شرعی لحاظ سے کس کے ذمے لازم ہیں،ماں کے ذمے یا دادا کے ذمے؟ اور بچوں کے ماں کے پاس ہونے کی صورت میں اس حکم پر کوئی فرق پڑے گا یا نہیں؟

اَلجَوَابْ بِاسْمِ مُلْہِمِ الصَّوَابْ

والد کے ورثہ کے ذمے لازم ہے کہ مرحوم کے مال میں سے بیوہ اور اس کی یتیم بچی کا جتنا حصہ بنتا ہے وہ فوری طور پران کے حوالے کردیں اور پھر مرحوم والد کی وراثت میں سے ان بچوں کے حصے میں جو مال آئے اسی میں سے اعتدال کے ساتھ ان پر خرچ کیا جائے گا،جب وہ ختم ہوجائے تو پھر ان بچوں کا خرچہ اس کی والدہ اوردادا پر اثلاثاً لازم ہے،یعنی ایک حصہ والدہ پر،جبکہ دو حصے دادا پر لازم ہے،چاہے بچے والدہ کے پاس رہیں یا دادا کے پاس،بشرطیکہ والدہ کےپاس بچی پر خرچ کرنے کے لیے اتنا مال ہو،ورنہ سارا خرچہ اس کے داداپر لازم ہے۔

حوالہ جات

"البحر الرائق " (4/ 231):

"وفي الخانية صغير مات أبوه وله أم وجد أب الأب كانت النفقة عليهما أثلاثا الثلث على الأم والثلثان على جد الأب اهـ. وبه علم أن الجد ليس كالأب فيها".

"رد المحتار" (3/ 614):

"قلت: اعلم أنه إذا مات الأب فالنفقة على الأم والجد على قدر ميراثهما أثلاثا في ظاهر الرواية".

"الفتاوى الهندية "(1/ 566):

 "ولو كان له أم وجد فإن نفقته عليهما أثلاثا على قدر مواريثهما، الثلث على الأم والثلثان على الجد".

محمد طارق

دارالافتاءجامعۃالرشید

11/محرم1444ھ

واللہ سبحانہ وتعالی اعلم