سوال

 کیا حدیث میں یہ مفہوم ہے کہ"اپنی انگلیوں پر ذکر کیا کرو؛ کیونکہ قبر میں یہ تمہیں روشنی دیں گی؟"

اَلجَوَابْ بِاسْمِ مُلْہِمِ الصَّوَابْ

بعینہ انہی الفاظ  کے ساتھ حدیث شریف  نہیں مل سکی، البتہ جامع ترمذی میں اس سے ملتی جلتی ایک روایت منقول ہے جس میں حضرت یُسیرہ رضی اللہ عنہا فرماتی ہیں کہ رسول اللہ صلی اللہ علیہ و سلم نے ہم سے فرمایا : "سبحان اللہ،الحمد للہ اور اللہ اکبر کے ورد کو اپنے اوپر لازم کرو  اور ان کو انگلیوں پر گنا کرو؛ کیونکہ انگلیوں سے  سوال کیا جائے گا اور وہ   بلوائی جائیں گی  اور ذکر سےغفلت نہ کیا کرو ، ورنہ رحمت سے  تمہیں بھلا دیا جائے گا۔

حوالہ جات

{أخرج  الترمذي عن یسیرۃ  رضی اللہ عنہا - و کانت من المھاجرات -  قالت: قال لنا رسول اللہ صلی اللہ علیہ وسلم: علیکن بالتسبیح و التھلیل و التقدیس، واعقدن بالأنامل؛ فإنھن مسؤولات مستنطقات، و لا تغفلن فتنسین الرحمۃ}.                                                                                                                      (جامع ترمذی، أبواب الدعوات عن رسول اللہ ﷺ: 3486)

{أخرج أبو داود عن حمیضۃ بنت یاسر، عن یسیرۃ، أخبرتھا أن النبي صلی اللہ علیہ و سلم أمرھن أن  یراعین بالتکبیرو التقدیس والتھلیل، و أن یعقدن بالأنامل؛ فإنھن مسؤولات مستنطقات}.

(سنن أبي داود،کتاب الصلاۃ، باب التسبیح بالحصی: 1501)

{أخرج الإمام أحمد  عن ھانیء بن عثمان الجھني، عن أمہ حمیضۃ بنت یاسر، عن جدتھا یسیرۃ - و کانت من المھاجرات - قالت: قال لنا رسول اللہ صلی اللہ علیہ و سلم: یا نساء المؤمنات، علیکن بالتھلیل و التسبیح و التقدیس، و لاتغفلن فتنسین الرحمۃ، و اعقدن بالأنامل؛ فإنھن مسؤولات مستنطقات}.

(مسند أحمد، مسند النساء، حدیث یُسیرۃ:27089)

 عمر فاروق فاروقی     

دار الافتاء ،جامعۃ الرشید، کراچی

  16صفر1444 ھ    

واللہ سبحانہ وتعالی اعلم