سوال

عام طور پر دیکھا گیا ہے کہ  جوائینٹ  فیملی میں  شادی  کے بعد  اختلافات ،لڑائی جھگڑے شروع ہوجاتے ہیں ،اب سوال  یہ ہے اس  سے بچنے کے لئے   انسان  شادی  سے قبل اور بعد  کیا تدبیرا ختیار کرے؟

اَلجَوَابْ بِاسْمِ مُلْہِمِ الصَّوَابْ

شادی  کے بعد  شوہر  کے ذمے لازم  ہے  کہ  بیوی   کو  نان  نفقہ ﴿ لباس پوشاک ،کھانے پینے کے سامان﴾ کے علاوہ   ایسا کمرہ  رہائش  کے لئے  دے  جس  میں   میاں  بیوی  کے علاوہ کسی اور کی مداخلت نہ  ہو ، اگر متوسط  مالدار گھرانے  کی  لڑکی  ہے  تو  اس    کا غسل خانہ  اور باورچی خانہ  بھی مستقل  ہو،  اگر  لڑکی غریب  خاندان  کی  ہے تو  کمرہ  مستقل کمرہ  ہو  دیگر چیزیں غسل خانہ  ،باورچی خانہ  مشترک  ہو تو مضائقہ نہیں ۔ اس کے علاوہ   بیوی  کے دیگر  جائز  حقوق  ادا کئے جائیں ،دوسری   طرف   بیوی   بھی  اپنے ساس  سسر  کی خدمت کو  سعادت سمجھ کر انجام  دے ،  گھر  کے دیگر  افراد  کی  خدمت  اپنی  طاقت     کے  مطابق  انجام  دے ،اس طرح  دوطرفہ  حقوق  کی  ادائیگی  سے   طرفین  میں محبت  پیدا  ہوگی  ،اورلڑائی   جھگڑے  سے حفاظت  ہوگی ۔

حوالہ جات

الدر المختار وحاشية ابن عابدين (رد المحتار) (3/ 599)

(وكذا تجب لها السكنى في بيت خال عن أهله)

سوى طفله الذي لا يفهم الجماع وأمته وأم ولده (وأهلها) ولو ولدها من غيره (بقدر حالهما) كطعام وكسوة وبيت منفرد من دار له غلق. زاد في الاختيار والعيني: ومرافق، ومراده لزوم كنيف ومطبخ، وينبغي الإفتاء به بحر (كفاها) لحصول المقصود هداية. وفي البحر عن الخانية: يشترط أن لا يكون في الدار أحد –من أحماء الزوج يؤذيها، ونقل المصنف عن الملتقط كفايته مع الأحماء لا مع الضرائر فلكل من زوجتيه مطالبته ببيت من دار على حدة.

احسان اللہ شائق عفا اللہ عنہ    

دارالافتاء جامعة الرشید     کراچی

١۴ محرم  الحرام ١۴۴۵ھ

واللہ سبحانہ وتعالی اعلم