سوال

میری والدہ نے میری شادی کے موقع پر سونے کے کئی سیٹ لئے جن میں سے بعض تو مجھے شادی کے موقع پر دے دئے اور بعض شادی کے بعد وقتا فوقتا مختلف مواقع پر دئے اور کچھ اب تک والدہ کے پاس ہی ہیں وہ مجھے مستقبل میں خوشی کے مواقع پر دینگی۔ اب معلوم یہ کرنا ہے کہ ان زیورات میں سے کس کی زکاۃ مجھ پر واجب ہوگی اور کس کی میری والدہ پر۔

اَلجَوَابْ بِاسْمِ مُلْہِمِ الصَّوَابْ

کسی ہدیہ پر جب تک قبضہ نہ کر لیا جائے وہ ہدیہ مکمل نہیں ہوتا، لہذا آپ کی والدہ نے جو زیورات آپ کے حوالے کر دیے ہیں ان کی آپ مالک ہیں اور ان کی زکاۃ کی ادائیگی کی ذمہ داری آپ کی ہے۔ اور جو زیورات آپ کی والدہ کے پاس ہیں وہ ان کی ملکیت میں ہیں اور ان کی زکاۃ کی ادائیگی ان کے ذمہ ہے۔

حوالہ جات

الدر المختار شرح تنوير الأبصار - (5 / 690)
"  (وتتم ) الهبة ( بالقبض ) الكامل...".

ولی الحسنین

 دارالافتا ءجامعۃالرشید کراچی

15محرم الحرام 1444ھ

واللہ سبحانہ وتعالی اعلم