سوال

کیافرماتے ہیں علماء کرام درج ذیل مسئلہ کے بارےمیں کہ

سولہ ساتھیوں کا ایک گروپ ہے وہ کہیں سفر میں تھا دوران سفر ساتھیوں سے ایک ساتھی کا تکرار ہوا جس کی وجہ سے اس ساتھی نے قسم اٹھالی کہ"آئندہ اگر میں نے اس گروپ کےساتھ سفر کیایا بیٹھایاکھایا،پیا تو میری بیوی کو تین طلاق" اب یہ شخص پورے گروپ والے اگراکھٹے کہیں ہوتے ہیں تو اس وقت تو ان کےساتھ نہیں بیٹھتا لیکن اس گروپ کے چند ساتھیوں کے ساتھ الگ سےاٹھتا، بیٹھتا اورکھاتا،پیتاہے۔ تو کیا اس صورت میں اس کی بیوی کو طلاق ہوگی یانہیں؟ وضاحت فرمائیں۔

اَلجَوَابْ بِاسْمِ مُلْہِمِ الصَّوَابْ

صورت مسئولہ میں قسم کھانے والے ساتھی نے اگرالگ الگ ساتھی کےساتھ سفر،کھانا اورنہ بیٹھنے کی نیت نہیں کی تھی تو پھرتب وہ حانث ہوگایعنی اس کی بیوی پرتین طلاق ہوگی جب وہ پورے گروپ کے ساتھ اکھٹے سفر،کھانا،پینا اور بیٹھنے میں سے کوئی کام کرے گا،لیکن اگراس نے الگ الگ ساتھی کےساتھ سفر،کھانا اورنہ بیٹھنے کی نیت نہیں کی تھی تو پھران میں کسی کے ساتھ بھی سفر،کھانا،پینا اور بیٹھنے سے وہ حانث ہوجائے اوراس کی بیوی پر تین طلاق واقع ہوجائے گی۔

حوالہ جات

البحر الرائق شرح كنز الدقائق - (ج 10 / ص 144)

وأما الثاني أعني ما ليسا شرطين حقيقة ، وهو أن يكون فعلا متعلقا بشيئين من حيث هو متعلق بهما نحو إن دخلت هذه الدار ، وهذه أو إن كلمت أبا عمرو ، وأبا يوسف فكذا فإنهما شرط واحد إلا أن ينوي الوقوع بأحدهما فاشترط للوقوع قيام الملك عند آخرهما ، وكذا إذا كان فعلا قائما باثنين من حيث هو قائم بهما نحو إذا جاء زيد وعمرو فكذا فإن الشرط مجيئهما .

سیدحکیم شاہ عفی عنہ

 دارالافتاء جامعۃ الرشید

2/2/1445ھ

واللہ سبحانہ وتعالی اعلم