81142 | جائز و ناجائزامور کا بیان | جائز و ناجائز کے متفرق مسائل |
سوال
میرے والد صاحب ضعیف العمر اور انتہائی کمزور ہیں، جس کی وجہ سے خود نہا نہیں سکتے تو والد صاحب کو میں نہلاتا ہوں اور زیرناف بال بھی میں ہی کاٹتاہوں، اب والد صاحب کٹ لگنے کے ڈرسےمنع کرتے ہیں اور کاٹنے نہیں دیتے ہیں،اس حوالے سے شرعی حکم کیا ہوگا؟
اَلجَوَابْ بِاسْمِ مُلْہِمِ الصَّوَابْ
ان بالوں کو بلیڈ وغیرہ ہی سے کاٹنا ضروری نہیں، بال صفاپاؤڈر سے بھی صاف کرنا جائز ہے۔
لہذااگر والد صاحب خود پاؤڈر لگانے پر قادر ہوں تو وہ خود پاؤڈر سے صفائی کریں،اور اگر خود قادر نہیں ہیں تو آپ ہاتھ پر دستانہ پہن کر پاؤڈر سےصاف کرسکتے ہیں، زیرِ ناف بالوں کو ہر ہفتہ صاف کرنا مستحب ہے، ہر ہفتے نہ ہو تو پندرہ دن بعد ان کوصاف کرناچاہیے، زیادہ سے زیادہ چالیس دن تک رخصت ہے، لہذا چالیس دن سے زیادہ دنوں تک ان بالوں کو صاف نہ کرنا مکروہ اور گناہ ہے،البتہ تاخیر کی وجہ سے کھانا،پینا حرام نہیں ہوتا۔
حوالہ جات
الفتاوى الهندية (5/ 358)
كذا في الغرائب في جامع الجوامع حلق عانته بيده وحلق الحجام جائز إن غض بصره كذا في التتارخانية.
الدر المختار (6/ 406)
يستحب (حلق عانته وتنظيف بدنه بالاغتسال في كل أسبوع مرة) والأفضل يوم الجمعة وجاز
في كل خمسة عشرة وكره تركه وراء الأربعين.
عدنان اختر
دارالافتا ءجامعۃالرشید کراچی
9/صفرالخیر /1445ھ
واللہ سبحانہ وتعالی اعلم
مجیب | عدنان اختر بن محمد پرویز اختر | مفتیان | سیّد عابد شاہ صاحب / سعید احمد حسن صاحب |