سوال

علماء کرام اس بارے میں  کیا فرماتے ہیں  کہ ایک بندہ فوت   ہوا ،اس کے گھر میں کمانے والا   کوئی نہیں ،صرف اس کی بیوہ اور   اس کے چھوٹے چھوٹے  بچے ہیں ،   مرحوم کی بیوہ    نے ایک بندے کو  تین لاکھ روپے  دئے  کہ اس کو   کاروبار میں شامل کرے ،اور  نفع  دیتا  رہے،اس  بندے  نے مال کو  برف کے کارخانے میں  لگایا  ،بعد میں کار  خانہ  میں  اگ لگنے کی وجہ  سے  اس کا  اپنا  اور  عورت  کا دیا  ہوا سارا مال ھلاک  ہوگیا ۔لیکن  عورت کو بتائے  بغیربطور احسان     مسلسل  چھ سال تک   5000 ماہانہ  دیتا رہا ، چھ سال  کے بعد بیوہ   نے دوسری جگہ   شادی کرلی ، بچوں  کو لیکر  وہیں منتقل ہوگئی ، اب وہ  عورت  اپنا دیا  ہوا پیسا واپس مانگ  رہی  ہے ،  تو  وہ  عورت  کتنے پیسوں کا مطالبہ کرسکتی  ہے یاباکل  نہیں  کرسکتی ؟

اَلجَوَابْ بِاسْمِ مُلْہِمِ الصَّوَابْ

سوال  کی تحریر کے مطابق   یہ معاملہ شرکت کا ہے  اور  شرکت میں  نقصان  کی  صورت میں  ہرشریک  کو  سرمایہ  کے  بقدر  نقصان    برداشت کرنا  پڑتا  ہے ، لہذا  مسئولہ   صورت  میں  اگر واقعة   کارخانہ  جلنے  سے کاروبار کا نقصان  ہوگیا   ہے ،   تو شرکت کا مال ختم ہونے کی ہونے  وجہ سے  دونوں  میں شرکت  کا معاملہ بھی  ختم ہوگیا،لہذا   مذکورہ  خاتون کو  دوبارہ  پیسے کے مطالبہ  کرنے کاحق  نہیں  ہے،البتہ    کارخانے  دار کو چاہئے  کہ    جیسے  پہلے  بطور  احسان  ماہانہ   5000 دیتا رہا  ،  آیندہ  کےلئے  بطور احسان   خاتون کو  بتا  کر  یکمشت  کچھ  رقم  دیدے  ،تاکہ  یتیم   بچوں  کے  گزارہ   کا   سبب  بن جائے ۔

باقی  خاتون  اگر  مال ھلاک  ہونے  کے دعوی  کو  قبول نہ  کرے ،تو اس کو  کارخانے  دار  سے  قسم لینے  کا حق   حاصل  ہے ، وہ  قسم  کھالے  تو ،مال  ھلاک ہونے کا   دعوی   ،ثابت ہوگا  اور    بری  الذمہ  ہوجائے گا ،ورنہ    اس  کے ذمے مال لوٹانا  لازم ہوگا ۔

حوالہ جات

الدر المختار وحاشية ابن عابدين (رد المحتار) (4/ 314)

(وتبطل) الشركة (بهلاك المالين أو أحدهما قبل الشراء) والهلاك على مالكه قبل الخلط وعليهما بعده

 (قوله: والهلاك على مالكه) فلا يرجع بنصف الهالك على الشريك الآخر حيث بطلت الشركة ولو الهلاك في يد الآخر؛ لأن المال في يده أمانة، بخلاف ما لو هلك بعد الخلط؛ لأنه يهلك على الشركة لعدم التمييز ط عن الأتقاني.

الدر المختار وحاشية ابن عابدين (رد المحتار) (4/ 319)

(وهو) أن الشريك (أمين في المال فيقبل قوله) بيمينه (في) مقدار الربح والخسران والضياع و (الدفع لشريكه ولو) ادعاه (بعد موته) كما في البحر مستدلا بما في وكالة الولوالجيةكل من حكى أمرا لا يملك استئنافه، إن فيه إيجاب الضمان على الغير لا يصدق وإن فيه نفي الضمان عن نفسه صدق انتهى فليحفظ هذا الضابط. (ويضمن بالتعدي) وهذا حكم الأمانات.

 (قوله: والضياع) أي ضياع المال كلا أو بعضا ولو من غير تجارة ط        

احسان اللہ شائق عفا اللہ عنہ    

دارالافتاء جامعة الرشید     کراچی

۲۴ ربیع الاول  ١۴۴۵ھ

واللہ سبحانہ وتعالی اعلم