82136 | سنت کا بیان (بدعات اور رسومات کا بیان) | متفرّق مسائل |
سوال
رخصتی کے موقع پر لڑکی کے سر پر قرآن شریف رکھنا جائز ہے یا نہیں؟ اس رسم کی تاویل یہ بتاتے ہیں کہ قرآنِ کریم سر پر رکھنے سے لڑکی نظرِ بد سے بچ جاتی ہے اور جنات کا اثر نہیں ہوتا۔
اَلجَوَابْ بِاسْمِ مُلْہِمِ الصَّوَابْ
اس رسم کا شریعت میں کوئی ثبوت نہیں، اس کی بجائے لڑکی کی اچھی تربیت کرنی چاہیے، اس کو قرآنِ کریم ہدیہ میں دینا چاہیے اور اس کی تلاوت اور اس میں غور و فکر کی ترغیب دینی چاہیے۔ قرآنِ کریم صرف شادی اور غمی کے مواقع پر رسم و رواج کے لیے نازل نہیں ہوا، بلکہ وہ انسانوں کے لیے زندگی کا پیغام اور لائحۂ عمل ہے، لہٰذا قرآن کے حقوق کی ادائیگی پر توجہ دینی چاہیے، اس کی برکت سے ہر خیر نصیب ہوگی اور ہر شر سے حفاظت ہوگی۔
حوالہ جات
۔
عبداللہ ولی غفر اللہ لہٗ
دار الافتاء جامعۃ الرشید کراچی
28/جمادی الاولیٰ/1445ھ
واللہ سبحانہ وتعالی اعلم
مجیب | عبداللہ ولی | مفتیان | سیّد عابد شاہ صاحب / محمد حسین خلیل خیل صاحب |