سوال

اس مسئلہ  کی تشریح فرمادیں کہ میں نے آپ کے فتوی نمبر 71598 پر پڑھا ہے کہ "جب تک سارے کپڑے باہر نکال کرتین مرتبہ اچھی طرح کنگھال کر نچوڑے نہ جائیں یا مشین میں کپڑوں کا پانی نکالتے وقت خوب زیادہ مقدار میں پانی دیر تک نہ چلایاجائے تاکہ ناپاکی کے تمام اثرات پورے طور پر نہ نکل جائیں ورنہ کپڑے پاک نہیں ہوں گے۔"

اَلجَوَابْ بِاسْمِ مُلْہِمِ الصَّوَابْ

اس مسئلہ کی تشریح  یہ ہے کہ ناپاک کپڑے جب تک شرعی طریقے کے مطابق  نہ دھوئے جائیں   تب تک وہ ناپاک ہی رہیں گے۔اوران کو پاک کرنے کا  طریقہ یہی ہے کہ ناپاک کپڑوں کو تین مرتبہ دھویا جائے اور ہر مرتبہ اچھی طرح سے نچوڑاجائےیہاں تک کہ ناپاکی زائل ہوجائے یاان کپڑوں  پر اتنا صاف  پانی بہایا جائے  کہ کپڑوں پر ناپاکی کا کوئی اثر باقی نہ رہے اور غالب گمان ہوجائے کہ کپڑے پاک ہوگئے ہیں ۔ اگر ناپاک کپڑوں کو پاک کپڑوں کے ساتھ ملاکر واشنگ مشین یا ٹب وغیرہ میں دھویا  تو اس سے پاک  کپڑے بھی ناپاک ہوجائیں گے،اور ان کو پاک اسی طرح سے کیا جاسکتا ہے  کہ سارے کپڑوں کو مشین سے نکال کر ہر کپڑے کو تین مرتبہ پاک پانی میں اچھی طرح  کھنگال کر ہر بار نچوڑدیاجا ئےیا کم از کم ایک ساتھ دھونے کے بعد ان پر اتنا صاف  پانی بہایا جائے  کہ کپڑوں پر ناپاکی کا کوئی اثر باقی نہ رہے اور غالب گمان ہوجائے کہ کپڑے پاک ہوگئے ہیں تب کپڑے پاک ہونگے ورنہ نہیں ۔

حوالہ جات

والنجاسة ضربان :مرئية وغير مرئية "فما كان منها مرئيا فطهارته زوال عينها "؛ لأن النجاسة حلت المحل باعتبار العين فتزول بزوالها " إلا أن يبقى من أثرها ما تشق إزالته " لأن الحرج مدفوع. وهذا يشير إلى أنه لا يشترط الغسل بعد زوال العين وإن زال بالغسل مرة واحدة وفيه كلام ." وما ليس بمرئي فطهارته أن يغسل حتى يغلب على ظن الغاسل أنه قد طهر " لأن التكرار لا بد منه للاستخراج ،ولا يقطع بزواله فاعتبر غالب الظن ،كما في أمر القبلة .وإنما قدروا بالثلاث ؛ لأن غالب الظن يحصل عنده فأقيم السبب لظاهر مقامه تيسيرا، ويتأيد ذلك بحديث المستيقظ من منامه .ثم لا بد من العصر في كل مرة في ظاهر الرواية لأنه هو المستخرج.) الهداية في شرح بداية المبتدي:1/ 38)

رفیع اللہ                  

                                                                                         دار الافتاءجامعۃ الرشید کراچی

                                                                                                                                                  18    جمادی الأخری1445ھ

واللہ سبحانہ وتعالی اعلم