سوال

آیت سجدہ پر بالکل  سجدہ نہ کیا اور پھر حالت نماز میں یا نماز کے بعد یاد آنے پر کیا حکم ہو گا ؟

اَلجَوَابْ بِاسْمِ مُلْہِمِ الصَّوَابْ

اگر نماز میں آیت سجدہ تلاوت کی ،مگرسجدہ نہ کیا   اور  مزید تین یا  زیادہ آیات تلاوت کی، پھر  نماز ميں یاد آ گیا  تو بہتر ہے کہ یاد آتے ہی سجدہ کرلےنماز کے آخر تک تاخیر بھی جائز ہے  اور جس ركن ميں یاد آنے پر سجدہ میں گیا تھا  ، سجدہ ادا کرنے کے بعداس رکن کا اعادہ کر لیا جائے تو بہتر ہے اور اگر نہ بھی کیا جائے تو بھی نماز درست ہو گی البتہ قعدہ اخیرہ کا اعادہ فرض اور تشہد کا اعادہ واجب ہے۔ آخر میں سجدہ سہو کر نا ضروری ہے۔اور اگر نماز کے فورا بعد یاد آیا  اورسلام کے بعد اب تک نماز کے منافی کوئی عمل نہیں کیا تو سجدہ تلاوت کر کے تشہد دوبارہ پڑھے ، پھر سجدہ سہو کر کےحسب قاعدہ نماز پوری کرے۔ اور سلام کے بعد تاخیر سے یاد آیا تو اب اس سجدہ کی ادائیگی نہیں ہو سکتی ،اس صورت میں توبہ و استغفار کیا جائے۔

حوالہ جات

المصلي إذا نسي سجدة التلاوة في موضعها ، ثم ذكرها في الركوع أو السجود أو في القعود ، فإنه يخر لها ساجدا،ثم يعود إلى ما كان فيه ، ويعيده استحسانا ، وإن لم يعد جازت صلاته.  ( الفتاوى الهندية :147/1 )

قال العلامة ابن عابدين رحمه الله تعالى : ( وإذا لم يسجد أثم إلخ) :أفاد أنه لا يقضيها. قال في شرح المنية: وكل سجدة وجبت في الصلاة، ولم تؤد فيها سقطت أي لم يبق السجود لها مشروعا؛ لفوات محله... أما لو سهوا، وتذكرها ولو بعد السلام قبل أن يفعل منافيا، يأتي بها، ويسجد للسهو.(رد المحتار : 110/2  )

قل العلامة برهان الدين رحمه الله تعالى : المصلي إذا ‌نسي ‌سجدة ‌التلاوة في موضعها، ثم ذكرها في الركوع أو في السجود أو في القعود، فإنه يخر لها ساجدا، ثم يعود إلى ما كان، يعيده استحسانا، وإن لم يعد جازت صلاته، وإن أخرها إلى آخر صلاته أجزأه؛ لأن الصلاة واحدة.  ( المحيط البرهاني  :522/1 )

قال العلامة الحصكفي  رحمه الله تعالى : وإذا لم يسجد أثم، فتلزمه التوبة. (الدر المختار: 585/2  )

ہارون عبداللہ

دارالافتاء،جامعۃالرشید،كراچی

28 جمادی الاولی 1445 ھ

واللہ سبحانہ وتعالی اعلم