سوال

زمین  کرایہ پر دینے  کی ایک صورت یہ ہوتی ہے  کہ  کرایہ  پر دیتے وقت اجرت پیسوں  کی شکل   میں مقرر   نہیں  ہو تی   بلکہ  غلے کی صورت میں    اجرت  متعین کی جاتی ہے   کہ  سالانہ  اتنے من  غلے  کےدینے ہونگے ، پھر اعلی ،ادنی کوئی  بھی غلہ  دیدے قبول کرلیاجاتا ہے  ، یعنی اگر کسی  سال  پیداوری  غلہ  خراب نکلے تو  خراب  غلہ  ہی  کوقبول کرلیاجاتا ہے ، اس میں بھی   بعض دفعہ  اجارہ  کی مدت متعین  ہوتی ہے اور   بعض دفعہ نہیں ہوتی،  تو اب سوال یہ ہے  کہ کیااس طرح  غلے  کو   اجرت مقرر کرکے معا ملہ کرنا   جائز ہے ؟

اَلجَوَابْ بِاسْمِ مُلْہِمِ الصَّوَابْ

صورت مسئولہ  میں زمین اس طرح کرایہ  پر دینا  اکہ اجرت  میں غلے کو  متعین  کیاجائے ، جائز ہے ،یعنی  جس طرح اجرت میں  رقم متعین کرنا جائز ہے ، غلے کو مقرر کرنا بھی جائز ہے ، اور  اجرت  میں  اگر عقد کے وقت  غلے  کی  اعلی ادنی قسم متعین نہ ہو تو   اجرت ادا کرتے وقت   کوئی  بھی غلہ دینا جائز ہے ۔

حوالہ جات

......

احسان اللہ شائق عفا اللہ عنہ    

دارالافتاء جامعة الرشید    کراچی

١۷جمادی  الثانیہ  ١۴۴۵ھ

واللہ سبحانہ وتعالی اعلم