سوال

میرے شوہر ....... کا انتقال ہوگیا ہے۔ ہماری برادری کی روایت ہے کہ شادی کے وقت لڑکے والے لڑکی کو بطورِ تحفہ کچھ سونا دیتے ہیں، اس کے بدلے میں لڑکی والے کمرے کا فرنیچر بطورِ جہیز دیتے ہیں۔ لیکن میرے اور ....... کے خاندانوں کے درمیان یہ طے ہوا تھا کہ فرنیچر ....... کے گھر والے تیار کریں گے اور فرنیچر کے عوض لڑکی کو جو سونا دیا جاتا ہے وہ لڑکی والے وصول نہیں کریں گے۔ سوال یہ ہے کہ کیا اس صورت میں اس فرنیچر یا سونے پر میرا کوئی حق بنتا ہے؟

اَلجَوَابْ بِاسْمِ مُلْہِمِ الصَّوَابْ

صورتِ مسئولہ میں جب شوہر نے سونا آپ کو بطورِ تحفہ دیا نہیں ہے تو محض برادری کی رسم کی وجہ سے ان پر آپ کا کوئی سونا نہیں بنتا۔ جہاں تک شوہر کے بنائے ہوئے فرنیچر کا تعلق ہے تو وہ اس کے ترکہ میں شامل ہو کر تمام ورثا میں ان کے حصوں کے مطابق تقسیم ہوگا جس میں سے آپ کو بھی اپنا شرعی حصہ ملے گا۔   

حوالہ جات

۔

     عبداللہ ولی غفر اللہ لہٗ

  دار الافتاء جامعۃ الرشید کراچی

      28/جمادی الاولیٰ/1445ھ

واللہ سبحانہ وتعالی اعلم